The Challenge - XI

Tyempong nagkasabay sina Katherine at George sa elevator isang araw nang papasok sila ng trabaho. Sa loob ay nakatayo ang dalawang tao na hindi nagkikibuan, parang empleyado sa magkaibang kumpanya na hindi magkakilala. Nakatingin lang si Katherine sa kanyang reflection sa elevator habang si George naman ay pinipindot ang kanyang Samsung Galaxy SIII, kunwari nagtetext. Nakasuot si Katherine ng sleeveless na blouse at cardigan, at dark blue na slacks. Mejo mababa ang neckline ng hapit na blouse ni Katherine, kaya kung mas matangkad ka ay kitang kita mo ang cleavage ng dalaga. Kapwa nakalimutan yata ng dalawa kung paano magsalita, at maski bati ay hindi pa nila magawa. Minsan ay napapasulyap si George kay Katherine, maamo ang kanyang blangkong mukha sa oras na yun, mukhang hindi ito galit. Gusto nyang kausapin ang dalaga ngunit hindi nya alam kung paano magsisimula.

Paglabas sa elevator ay sabay silang tumungo sa entrance, wala pa ring kibuan, at nagkahiyaan pa kung sinong unang magbabadge-in. Sumenyas si George sa babae. Blangko pa rin ang mukha ni Katherine, hindi nya tinignan si George. Nauna syang nag badge-in at pumasok.

------------------

Busy si Katherine sa pagrereview ng documents para makabisado ang process ng kumpanya nila nang may mag message sa kanya sa YM.

"george.d.l: Hi Katherine. Im really sorry about what happened. I know it was wrong."

"kathb0b_814_1999: Lets forget about it sir. I just hope it wont happen again. "

"george.d.l: OK Katherine. I promise."

"george.d.l: Uhmm...Pwede ba kitang yayaing mag lunch?"

Hindi alam ni Katherine ang isasagot nya sa supervisor nya sa mga panahong yun. "Gosh! Anong isasagot ko? Kahit manyakis sya, boss ko pa rin naman sya. Nakakahiyang tumanggi. Oh well, baka gustong bumawi. Bahala na."

"kathb0b_814_1999: Ahmm.. Sige po sir. "

"george.d.l: May preferred ka ba na kainin?"

"kathb0b_814_1999: OK lang po sir kahit saan. Di naman po ako pihikan sa pagkain."

---------------

11:45 nang sinundo ni George si Katherine sa pwesto nya. Halatang kinakabahan pa rin ang babae, ngunit nagawa pang ngitian ang kanyang supervisor nang ito ay dumating sa pwesto nya.

"Ready?"

"Sir una na po kayo sa labas. May tatapusin lang po ako. Sandali lang po ito."

"OK. Sa may elevator na lang."

Bumaba ang dalawa papuntang parking lot saka sumakay sa Toyota Fortuner ni George. Sa harap umupo si Katherine, na tahimik pa rin. Nakayuko itong nakahawak ito sa clutch bag nyang gamit din nya noong nanood sila ng sine. Binuksan ni George ang stereo at nag drive. Sa North Park, Makati Ave ang tungo ng dalawa.

Pagdating sa restaurant ay konti pa lang ang kumakain. Ginabayan sila ng waiter papunta sa table nila at saka binigyan ng menu.

"Sir, kahit ano na lang. Kayo na lang po bahalang umorder.", sabi ni Katherine sa manager nang nahuli nyang nakatingin ang lalake sa kanya. Pakiramdam ni Katherine ay naghihintay si George kung ano ang gusto nyang i order.

Tumango na lamang si George at maya maya ay tinawag na nila yung waiter para sabihin ang order nila.

"Katherine, I want to ap.....", sabi ni George pagkaalis ng waiter.

"Just forget about it sir, tapos na po yun.", isang pilit na ngiti ang makikita mula sa mukha ni Katherine nang nasambit nya yun. Tumango na lang si George at nag isip ng ibang sasabihin para maiba ang usapan.

"OK. By the way, kailangan pala ni Ms. Dhez ng tulong sa recruitment department. Baka i transfer muna kita doon kasi lahat occupied."

"OK Sir.", sagot ni Katherine. Napansin nyang ngumiti ang kausap. Kakaiba ang ngiti at ang itsura ng mga mata nito. Nagtataka sya kung bakit, sa mukha ni George pagkatapos nyang sabihin yun, ay tila itsura yun ng isang taong may naalalang masayang pangyayari.

"Hmm.. Ms. Dhez? Does he have a relationship with her? No way. May asawa na si Ms. Dhez.", sa isip ni Katherine.

Maya maya ay dumating na ang order nila. Habang kumakain ay si George ang naging bangkador ng usapan. Madami syang naikwento kay Katherine tungkol sa kanyang buhay, at tungkol sa trabaho. Nawawala na ang ilang ni Katherine, at nakikipagbiruan na rin sa kanyang supervisor. Ang dalawang tila kapwa estranghero kaninang umaga ay masayang nag uusap na ngayon. Naging magaan na din ang loob ni Katherine sa kanyang supervisor. "OK din pala kausap to.", bulong ni Katherine sa sarili nya. Kulang-kulang isang oras ang lumipas ng matapos sila sa pagkain dahil sa daldalang nangyari. Nagpaalam si Katherine kay George at pumunta sa CR.

Nagsusuot ng lipstick si Katherine ng may pumasok sa loob. Maputi ang babae, chinita, mahaba din ang buhok, at halos kasingtangkad lang niya. Tumabi ang babae sa kanya at nagsuklay. Maya maya ay nilabas din nya ang lipstick nya. Nasulyapan ni Katherine yun at napangiti, dahil bukod sa parehong Maybelline yung lipstick nila ay parehong pareho pa ng kulay. Tila nagmamadali ang babae na parang hindi napansin na may kasama sya doon, at nauna pa syang lumabas ng CR kay Katherine. "Siguro, hinihintay ng BF.", bulong ni Katherine sa isip nya. Napakibit-balikat na lang ito.

Mabilis na lumabas ng restaurant ang babae. Sa labas ay merong 2 lalakeng naghihintay sa kanya.

"Sorry guys."

"OK lang yun. Ikaw naman magbabayad ng taxi eh. Hehehe.", sagot ni Orland.

Ilang minuto pa ay may dumating na Toyota VIOS na taxi. Pagtigil ng sasakyan ay naunang pumasok si Orland sa likod.

"Leslie, dun ka na sa harap."

"OK po Sir Bobby!"