The Challenge - V

Pinasadahan ng tingin ni Katherine ang paligid ng restaurant ng may nakita syang nakaupong babae na kumakaway sa kanya. Si Dianne.

"Hey, over here."

Lumapit sya sa table ni Dianne at umupo. Natuwa sya ng makitang naka order na ang kaibigan at ang paborito pa nyang meal ang inorder nito. Inabot nya ang baso at uminom ng konting tubig, bago nagsalita.

"Thanks best. You never forget my favorite.", banggit nito sa kaibigan habang nakangiti.

"Syempre naman. Pasalamat ka hindi ulyanin ang best friend mo. ", pabirong sagot naman ni Dianne na may konting yabang ang tono.

"By the way, you look pretty today. Ikaw ha, di mo sinabi sakin, nagwowork ka na pala."

"I was going to, this morning. Pero as usual, batugan ang lola. ", at nagtawanan ang magkaibigan.

Huminga si Katherine ng malalim bago nagsalita ulit. "So.. yun. Now you know. First day ko ngayon sa job ko. Best, I want to talk about something else, more important."

"About your boyfriend? Or should I say ex-boyfriend. Haynaku! Best, alam mo, hindi sa against ako sa inyo ha. Pero, you gave him a challenge. And by the looks of it, when you told him you're gonna break up with him, its obvious na hindi nya kayang gawin yun, sa reaction pa lang nya nung sinabi mo sa kanya. I did not see it but may tiwala naman ako sayo na sinabi mo sakin every detail."

Hindi na nakasagot pa si Katherine sa sinabi ni Dianne. Napayuko na lang ito at napatingin sa kanyang pagkain ngunit nawalan na sya ng gana. Uminom na lang ulit sya ng tubig. Nagsalita ulit si Dianne na parang may biglang naalala.

"Oh! Speaking of Bobby, I saw him earlier nung papunta ako dito. He didn't see me though. He was with a couple of people, co-employees nya siguro. Then merong girl syang katabi habang naglalakad. They were talking about something, tapos yun nagtatawanan sila. Ewan ko best, iba yung feeling nung nakita ko sila.". Napatingin si Katherine kay Dianne, tila naging curious sa susunod na sasabihin nito.

"Yun. Basta. Hindi sa sinisiraan ko si Bobby ha. I'm just telling you. Remember, I'm your bestfriend. Kaya lahat sasabihin ko sayo. Its for your own good, okay?"

Napalunok ng laway si Katherine bago nagsalita. "I don't know, I think mali yung ginawa ko. I should'nt have broke up with him. Nalilito ako. I want to talk to him. I really miss him. Tatawagan ko sya mamaya."

"Don't. Lets wait muna. Remember your challenge, OK? We need to see if he's up to it. It wouldn't be a challenge if you will just make it too easy for him. Kung mahal mo sya, dapat magtiis ka din. That challenge is for both of you. ", saway naman ni Dianne sa kaibigan. Tumango na lang si Katherine habang nakayuko pa rin.

-------------------------------------------------

2:00 PM, nagring ang cellphone si Bobby habang busy ito na hinahanda ang mga reports na gagawin nila for their project. Hindi registered sa contacts nya ang number. Sinagot nya ang tawag, at bago pa sya makapag-Hello, tila masayahing boses ng lalake ang narinig nyang nagsasalita sa kabilang linya.

"Hello, Bobby pre, ikaw ba yan?"

"Who's this please?"

"Pare, si Jobert to. Ano ba yan, di mo na ako natatandaan."

"Uy pare, kumusta ka na? Buti nakuha mo number ko. Sino nagbigay sayo?"

"Ok naman ako pare. Di ko alam kung sino eh. May nagtext sakin, sabi ito daw number mo, kaya tinawagan ko. Tinitext ko sya, pero hindi na nagrereply. "

"Text mo sakin. Baka kilala ko."

"Yun lang. Binura ko na pagkatapos kong i save tong number mo. Hindi naman kasi nagrereply."

"Ahh.. OK lang. Akala ko patay ka na pare. Hahaha. Saan ka nagwowork ngayon?"

"Eto nangmamanyak ng patay. Hahahaha.", sagot ni Jobert sa birong yun ni Bobby.

"Siraulo!"

"Oo nga. Dito ako sa funeraria namin. Hirap makahanap ng trabaho kaya tumutulong na lang ako dito sa negosyo ng parents ko. Pare, magkita naman tayo minsan. Saang banda ka ba ngayon?"

"Ayala pare. PSE building."

"Inom tayo mamayang gabi pare. Friday naman ngayon eh. Dun tayo sa favorite place ko. ", yaya ni Jobert sa kaibigan.

"Sure. Magkita na lang tayo sa baba ng PSE building. 6:00PM ang out ko dito. ", sabay narinig ni Bobby ang pagbaba ng telepono sa kabilang linya.

Hindi naging close ni Bobby ang karamihan sa mga classmates nya nung college, palibhasa puro aral at girlfriend lang ang inaatupag nito. Sa lahat ng classmates sa kanila, si Jobert ang madalas nya nakakausap, kung kaya't kahit papano, naging close ang dalawa.

Nagpatuloy si Bobby sa ginagawa nyang reports ng biglang may mag message sa kanya sa YM

"leslie.torrido16: hi sir Bobby. Leslie po ito. :-)."
"b0bkath_814_1999: oh hi Leslie. what can I do for you?"
"leslie.torrido16: i just added your account sir. para pag merong letter, inonotify ko na lang po kayo here. :-)"
"b0bkath_814_1999: oh ok. thanks Leslie. add ko din tong acct mo. thanks."
"leslie.torrido16: Thank you sir."
"leslie.torrido16: :-)"

Inaccept ni Bobby ang friend invitation at inadd din si Leslie sa YM contacts nya. Pagkatapos nun ay nagpatuloy sya sa trabaho nya.

Ilang oras din ang lumipas nung natapos nya ang report at summary ng estimates para sa kanilang bagong project. Sinend nya ang mga files sa email ng boss nya for approval, at habang ginagawa nya yun, napatingin sya sa system tray ng kanyang monitor "6:02 PM!". Hindi pa rin nagtetext sa kanya si Jobert kaya naisipan muna nyang mag stay ng ilang minuto sa office. Ilang sandali lang ay nagtext na ang kaibigan, na sinabing nasa baba na sya ng PSE building, sa may fountain. Agad na umalis na sa pwesto si Bobby pagkatapos ayusin ang mga gamit nya.

"Bye sir. Happy weekend. Mukhang nagmamadali po tayo ah.", bati sa kanya ni Leslie nung napadaan sya sa may reception area.

"Ah oo. May gimik lang with a friend. Pampatanggal stress. ", sagot ni Bobby na nakangiti sa receptionist.

"Ah. Sige sir enjoy po. "

Nagpaalam si Bobby kay Leslie at nagmadaling nagtungo sa may elevator.