The Challenge - IV

6:02 AM ng magising si Katherine mula sa isang mahabang panaginip, isang pangyayaring sana ay naulit pa kung hindi lang sya nakipagbreak kay Bobby. "Love me, no matter what.". Ang mga salitang sinabi nyang yun sa kasintahan ay paulit ulit na bumubulong sa isip nya, tila LSS na mahirap maalis. Bahagyang nasiyahan sya ng maalala nya ang mukha ng kanyang mahal habang sinabi sa kanya na tinatanggap nya ang challenge. Di naman nya maiwasang maluha dahil sa paghihiwalay nila.

Inabot ni Katherine ang cellphone nya at tinawagan si Dianne, ang kanyang bestfriend. Makailang ulit nagring ang telepono pero walang sumasagot sa kabilang linya kaya naisipan na lang nya itong itext.

"Hi best. Its been 2 months. I'm missing him already. Call me. Thanks."

Pagkatapos magtext ay nagpunas ng luha si Katherine at tumungo sa bathroom upang maligo. Pagpasok sa loob ay tinanggal ang kanyang nightgown at sinabit sa isang kawit sa likod ng pinto. Walang suot na panloob si Katherine kaya lantad na lantad ang makinis na hubo't hubad na katawan nya. Bumuhos ang maligamgam na tubig galing sa shower papunta sa katawan ng babaeng umaasang mahuhugasan, di lang ang labas, kundi pati na din ang sakit at lungkot na nararamdaman nya sa loob. Ang mga emosyong yun ay kailangang matanggal o kaya ay maitago man lang pansamantala dahil magiging sagabal yun sa unang araw nya para magtrabaho bilang HR admin sa isang malaking pharmaceutical company.

Kung tutuusin, sa estado ng buhay nila Katherine ngayon ay hindi na nya kailangang magtrabaho para mabuhay. Lahat ng kailangan nya ay kayang ibigay ng kanyang mga magulang. Bagamat hindi sya ang tipong maluho, madali nyang nabibili ang anumang gustuhin nya. Ngunit dahil sa may muwang na sya nung mga panahong naghihirap pa sila, at dahil na din sa pride, pinanindigan nya na ang kanyang buhay ay hindi nakadepende sa kahit kanino man maliban sa kanyang sarili. Itinatak nya sa isip nya na ang kasaganaang tinatamo ng kanyang pamilya ngayon ay dahil sa natuto silang umahon mula sa kanilang pagkakalublob sa kumunoy ng hirap, at nakahanda na syang gawin yun para naman sa kanyang sarili. Ang kalahati ng bayad sa condo na tinitirhan nya ngayon sa Makati ay galing sa inipon nyang allowance simula pa nung first year college sya, samantalang ang kalahati ay regalo sa kanya ng mga magulang nya nung sya ay nagtapos, kasama ang isang brand new Hyundai Elantra.

Nagmamadaling nagpunas ng katawan ang dalaga at nagsimulang magbihis. Hindi na sya nagsuot ng make up, sa halip ay naglagay na lang sya ng face powder at lipstick. Tinignan nya ang sarili nya sa salamin at natuwa sya sa kanyang kagandahan. Nakasuot sya ng itim na skirt na hanggang tuhod, puting sleeveless na blouse, at itim na blazer. Nakalugay ang kanyang straight na buhok, na ngayon ay lampas balikat na. Inayos nya ang mga dadalhing papel at inilagay sa isang brown envelope. Isinilid naman nya ang kanyang maroon na high heels sa isang Prada na paper bag habang nakasuot sya ng sandals. "6:41, aabot pa ako sa oras.", bulong nito sa sarili nya habang papalabas sya ng kanyang condo.

Saktong 7:00 na ng marating nya ang opisina. Binati nya ang receptionist at nagpakilala, pagkatapos ay umupo sa may lobby, habang tumawag ang receptionist para ipaalam na dumating na si Katherine. Ilang minuto pa ay pumasok ang isang lalake sa lobby, na tila galing sa ibang floor.

"Ms. Katherine Henesilla?"

"Yes sir."

"Good morning. My name is George de Labra. I'm a senior HR manager. I will be your supervisor.", sabay kinamayan si Katherine.

"Pleased to meet you sir."

"I'll be taking you to Ms. Dhez for your orientation. Its on the 16th floor. After that, she will give you some instructions regarding the other activites for the day. Siguro more orientations.", sabay tawa ni George. Isang mahiyaing ngiti naman ang ganti ni Katherine sa pagtatangkang yun ni George na patawanin ang tila nininerbiyos na dalaga.

Nakarating sila pwesto ni Ms. Dhez at ipinakilala ng manager si Katherine sa mag oorient sa kanya. Pagkatapos ay sumenyas sya kay Dhez at itinuro ang kanyang relo, na tila ang gustong sabihin ay "Ikaw na muna bahala sa kanya, may meeting ako. ". Tumayo si Dhez at pumunta sila ni Katherine sa isang meeting room para sa kanyang orientation.

Nagsimula yun sa pamamagitan ng pagpapakilala nila sa isa't isa. Pagkatapos nun ay inilabas ni Katherine ang kanyang notebook at pen at nagbanggit ng maikling dasal na sana ay makapag focus sya ng maayos. Ang mga unang presentation slides ay madaling naintindihan ni Katherine. Ngunit habang tumatagal ang briefing na yun ay unti unti syang nawawalan ng concentration. Isang page lang ng notebook ang kanyang napuno at hindi na nadagdagan yun. Naririnig nya ang bawat paliwanag ni Dhez ngunit tila lumalabas lang ito sa kabilang tenga. Di nya namalayang nagsulat sya ulit, ngunit hindi na ito galing sa slides. Nagulat sya ng tinignan nya ito ulit. "I miss you Sweet.". Mabilis na bumalik ang kanyang ulirat at agad na ini cross out ang kanyang sinulat.

"Any questions?", tanong ni Ms. Dhez habang nakangiti kay Katherine. Habang nag iisip sya ng sasabihin ay napatingin sya sa wall clock ng meeting room. "Wow. 11:30 na agad.", bulong nito sa sarili.

"Anong mga bansa po yung sinusupport ng delivery center natin?", tanong ni Katherine kay Dhez.

"Ahh.. Ididiscuss ko sayo yan after lunch."

"I see. "

Natapos ang unang part ng orientation nila at nagpasyang mag lunch sa Glorietta si Katherine. Papunta na sya ng parking lot ng biglang magring ang cellphone nya.

"Best, kanina pa kita tinatawagan, lagi namang out of reach.", si Dianne.

"Sorry best. Wala yatang signal dun sa meeting room namin. "

"Meeting room?", gulat na tanong ni Dianne.

"Kwento ko sayo later. San ka ba? Punta ako Glorietta ngayon para mag lunch."

"Dito din. Sa Starbucks, nagyoyosi. San ka ba kakain?"

"Hmm...Sa Outback na lang siguro."

"OK. Mauna na ako dun. Kita kits."

"OK Best. See yah!"