Liberty Call: Olongapo City (Part 4)

"Maganda 'yang ginawa mo," bati ni Sam. Buong-buo ang kanyang ngiti.

"Well hello, gorgeous! Care to join me?", paanyaya ko sa kanya habang inalok ko ang isang bakanteng upuan.

Umupo si Sam. Ginamit ng mga ka-table ko ang pagkakataong iyon para lumisan.

"Pugi, salamat sa drinks. Marami na kustumir. Baka magalit na si mamasan," paalam ni Bisayang Tisay.

Isa-isang nagpaalam ang mga ka-table ko. Dumadami na nga naman ang mga sailor sa club. Fine by me. My dream girl is here.

"Hi, I'm John. What's a nice girl like you doing in a place like this?", bati ko kay Sam nang kami na lang ang naiwan. Nag-ooverdrive na ang alak sa aking dugo.

"Baliw ka talaga," patawang tugon ni Sam. "Line sa movie 'yan, di ba? 'Yan ba ang madalas mong gamitin sa mga chicks?"

"You're my first. Virgin pa 'ko."

Gamit ang kamay, nagtakip ng bibig si Sam. Balak pigilan ang pagtawa.

"I would like to buy you a drink. What's your pleasure?" Saan ko ba napanood iyon?

Tanging juice ang inorder ni Sam nang tumawag ako ng serbidora para sa kanya. Hindi daw siya gaanong umiinom.

"Ba't mag-isa ka lang?", ungkat ni Sam.

"Nagpunta sa Morena ang mga kasama ko."

"Maganda nga d'on sa Morena. Sexy ang mga chicks d'on. Ba't hindi ka sumama?"

"I'm looking at a hot woman right now."

"Sus! Buti naman napunta ka dito. Pang-Kano lang 'to, usually."

"I had a feeling I would find you here." Thanks Mom, for the English lessons.

"Seriously, bilib ako sa ginawa mo kanina. Ngayon lang ako nakakita ng gano'n."

I've done my good deed for the day. Time to enjoy. Ayaw kong pagbidahan ang aking ginawa kaya ibinaling ko ang usapan sa aming dalawa.

"I did it for you. Everything I do, I do it for you," pilit na ginagaya si Bryan Adams habang minomostra ko ang paghawak sa mikropono.

Sinamahan ako ni Sam sa aking pagtawa.

Sa aming pag-uusap, napag-alaman ko na ang kanyang ina ay isang Pinay na na-anakan ng isang Amerikano. Gawain ni Sam ang magpunta dito sa club kapag walang magawa. Ayon sa kanya, kilala siya ng may-ari.

Tuwing magsasalita si Sam, ninanamnam ng aking mga mata ang bawat galaw ng kanyang bibig, ang hugis ng kanyang matangos na ilong, ang pagtaas ng kanyang mga kilay, ang pagkislap ng kanyang mga mata.

"Ba't ang lalim ng titig mo?"

"Ang ganda ng mata mo. I like your hazel eyes. Very sexy."

"Ba't alam mong hazel?"

"Kasi light brown na may halong blue-green. Hindi kulay muta."

Upang hindi ma-conscious si Sam, tinitigan ko ang kanyang dibdib na mistulang nakikipagbuno sa suot nitong t-shirt.

"Ang ganda talaga ng mata mo."

Hampas sa balikat ko at tawa ang naging ganti ni Sam.

Habang tumatagal ang aming usapan, unti-unti kong nararamdaman ang hila ng alak sa aking mga mata.

"Inaantok ka na 'no? Nilasing ka ng mga chicks mo, 'no?"

"Lasing lang ako sa beauty mo." Ang katotohan, hindi lamang ang taglay na sex appeal ni Sam ang nakaakit sa akin. May bumabalot na "melancholy" sa kanyang mga mata, sa kanyang pananalita, sa kanyang pag-galaw. Nais ko man ungkatin kung ano ang bumabagabag sa kanya, hindi ko magawa. She might be damaged goods, but who isn't? She'll open up when she feels like it.

"Ano'ng lakad mo pagkatapos dito?", tanong ni Sam.

"I found my paradise. I'm not going anywhere babe," ngiting asong tugon ko.

"May hotel ka ba?", tanong ni Sam.

Muntik nang mawala ang lasing ko.

Itutuloy...