Siya Na Nga [1]
Dahil sa maganda kong academic record sa High School, napag-isipan kong makipagsapalaran sa Manila at mag-aral sa isa sa mga sikat na Unibersidad nito. Hindi man anak ng mayaman, tutuparin ko ito sa pamamagitan ng paggamit ng aking talinong biyaya ng Diyos. Sa tagpong ito nagsimula ang aking makulay na buhay.
Dahil hindi pa masyadong mabigat ang academic demans ng First Year college, nakagawian kong makipag chat through mlrc [yun ang uso noon]kahit hanggang madaling araw. At dahil sa may pagka-adventurous ako, ninanais ko ring makipag-EB sa mga ka-chat. Kaso, bad trip at frustrating nga lang, kasi pag di naman masyadong payat o sobrang mataba, di ko naman type ang mga naka-EB ko. Sabi nga ng mga friends ko, ganun daw talaga pag sa normal hours ka magchat, kasi nasa internet cafe yun, at mga desperate din kasi walang manliligaw at naghanap din ng pagkakataon na maka-tsamba...yung iba pa nga raw mga nagpapanggap na bading.
Kaya binago ko ang oras ng pag-chat. Dahil kailangan ng reservation ang internet sa school dormitory namin, nagpa-reserve ako ng 12mn to dawn...wala nga akong ka-trouble sa paggamit kasi tulog lahat ng kasamahan ko. Excited ako na pumasok sa mlrc common room upang maghanap ng matipuhang pangalan. May lima akong bini-"bing" ngunit may isa dun na agaw pansin kasi ang tinong kausap at halatang matalino dahil sa magandang sagot niya. Kaya in'invite ko siya sa private chat room para kaming dalawa lang mag-usap. At di nga ako nagkamali, napaka-tino, napaka-pormal at napakatalino niyang kausap. Dahil sa napaka-intellectually stimulating ang chat namin, di ko namalayan na from 12:30am umabot kami hanggang 5am. We always look forward for our next chat at ganun ang mga usapan at pangyayari, di namin namalayang ang paglipas ng oras. After a week, sa nagkasundo kaming mag-EB.
Dahil hindi pa ako masyadong sanay, binigyan niya ako ng instruction: Punta daw ako sa may Quiapo Church at dun sasakay ng bus papuntang Makati, at bababa ako sa may Stocks Exchange, at dun kami mag-meet. Wala akong ideya sa lugar na pupuntahan ko kaya yun lang din ang sinabi ko sa bus conductor.
Pagdating ko sa Makati at nang bumaba ako sa Stocks Exchange, namangha ako sa naglalakihan at matataas na mga gusali. Nang tumingin ako sa paligid, nanliit ako dahil halos puro pormal, magaganda at mga gwapo ang mga taong naglalakad doon. Ibig sabihin, maganda din itong maka-EB ko ngayon. Excited ngunit kinabahan ako, baka hindi niya ako magugustuhan kasi probinsyano ang dating ko.