Super Clumsy Pt.1

"Arrggghh!!! Bitiwan mo nga ako!"

Nagpupumiglas ang isang dalaga mula sa pagkakahawak ng isang lalake.

"Aba pare pumapalag pa.", parang mga asong ulol na nag aabang ang mga kasama nya.
"Eto ang gusto ko, lumalaban! Nyahahahah!", mala demonyong tawa ang umalingawngaw sa tahimik na gabi.

Dali-dali akong lumabas sa pinagtataguan ko. "Hoy mga kulugo, bitiwan nyo sya!"

"Aba, sino naman tong kutong lupang 'to?!"

Lumapit sakin ang tatlong kasama, may dala-dalang balisong at dos por dos.

Slow motion...

Akmang ipapalo sa'kin ang hawak na kahoy pero nakailag agad ako. Binigyan ko sya ng isang malupit na uppercut!

BLAG! One down!

Sabay na lumapit ang dalawa. Binigyan ko ng flash chop ang may hawak ng balisong, tumilapon ang patalim. Sinalo ng kaliwang kamay ko ang suntok ng isa. Mabilis akong umatras at binigyan ng roundhouse kick a la Chuck Norris!

WHAM! Tumilapon na parang basura.

"Help!", nakita kong may nakatutok na kutsilyo sa leeg ng dalaga.

Parang kidlat, dumampot ako ng bato, hinagis sa ere, umikot at sinipa ng malupit! Sapul si kamote sa noo.

Mabilis na tumakbo sakin ang dalaga.

"Thank you...", mahigpit syang yumakap sa'kin.

Matikas naman akong tumayo.

"You're my hero...", tumingin sa'kin ang dalaga.

Whohoah! Ang babaeng aking pinapangarap.
"Ahh... Ayen...ayos ka lang?", parang nalunok ko ang dila ko.

"Oo..Salamat talaga...Kung dahil sa'yo baka napahamak na ako. Pa'no ba kita mababayaran?"

"Ayos lang yun. Karangalan kong matulungan ang isang binibini...", paswabe pa ang boses ko.

"Hmmm...ganito na lang...", hinawakan nya ang magkabila kong pisngi. Tumingin sa'kin ng malagkit at naka-kagat labi. Napalunok ako.

"Gusto mo..bibigyan na lang kita ng masarap na kan...TUT!"

"Ah..ano?"

"Sabi ko bibigyan kita ng masarap na kan..TUT! TUT! TUT..."

Tut! Tut! Tut! TUT! TUT! TUT! TUT!

Arrggghhh! Anak ng kamote naman oh! Lecheng alarm clock'to! Pambitin amp!
Alas syete na. Hay...

**All Star (Smash Mouth)**
Somebody once told me the world is gonna roll me
I ain't the sharpest tool in the shed...

Mabilis akong naligo, nag-toothbrush, kinuha ko ang school uniform sa cabinet at humarap sa salamin. Konting ayos ng kwelyo, sinuklay ang buhok gamit ang kamay. Konting kindat, "Ang pog... ang payat ko! Buwisit."

"Franciscooo! Ano ba mala-late ka na!", tumawag na naman ang aking butihing ina.

"Opo Ma, andyan na po.", konting hagod pa ng tingin sa sarli sabay dampot ng bag.

"Anong almusal-"

"Ano ka ba naman Francisco?! Alam mong may pasok ka nagpuyat ka pa sa kaka-kompyuter!"

"Gumagawa po ako ng assign-"

"Tapos tanghali ka na gigising. Yung report card mo bakit wala pa?"

"Next week pa po ang release nung ca-"

"Tumawag pala ang Tatay mo, kinukumusta ang pag-aaral mo. Sabi ko puro ka kompyuter. O hala sige kumain ka na at tanghalina"

"Ok na po, busog na ko sa sermon-"

"Anong sinabi mo?!"

"Ah wala po. Sabi ko mabubusog ako dito sa sinangag nyo. The best talaga magluto ang ermats ko!"

"Sus! Mukha mo! Sige na bilisan mo nang kumain. lkaw nang bahala dyan at may gagawin pa ako."

Hay! Lagi na lang ganito ang buhay ko. Feeling ko loser ako eh. Yung tipong may malaking "L" na nakadikit sa noo ko. Hindi naman ako nerd o geek. Pero sa school di ako ganon ka popular.
Hindi naman ako pangit, hindi lang talga pansinin. Hindi nga naman kasi ako cool kid. School-bahay-computer lang ang alam ko. Di gaya ng iba, varsity player, rich kid, crush ng bayan.
Kaya tuloy hindi ako mapansin ni Ayen...

Hay! Tama na ang drama. Mabilis kong tinapos ang pagkain ko.
"Ma, alis na po ako!", dinampot ang bag sabay labas sa pinto.

Hey now you're an All Star
get your game on, go play
Hey now you're a Rock Star
get the show on get paid
And all that glitters is gold
Only shooting stars break the mold

Pagkabukas ng gate, tumingin ako sa langit. Pumikit at huminga ng malalim.

"Today's gonna be a good day!", nararamdaman ko ang init ng pag asa mula sa aking ulo pababa sa buo kong katawan...mainit..ramdam ko hanggang sa may paa ko..mainit..

at basa?!

Napadilat ako at agad napayuko.
Walang hiyang aso'to! Mukha ba akong fire hydrant?! Kinikilig pa habang nakatass ang paa!

Arrgghhh! Badtrip! Pumasok ako sa bahay para magpalit ng medyas at punasan ang sapatos ko.
Wala na, late na ako sa first period ko.

Pawis na pawis ako sa pagmamadali na makarating sa school. Eh kaso, late pa rin kaya nagpasya na lang ako na magpalipas na lang oras sa may puno ng mangga sa tapat ng canteen. Hintayin ko na lang na matapos ang klase sa Physics.

Habang papalapit ako sa paborito kong tambayan, bigla akong napatigil. Nakita ko sya... nakaupo sa bench sa ilalim ng puno. Ang dalagang aking iniirog, si Ayen.

**Close to You (The Carpenters)**
Why do birds suddenly appear everytime you are near?
Just like me, they long to be close to you...

Haaaayyy... para syang dyosa na nakaupo sa kanyang trono. Gusto kong lumapit at mag-alay sa kanya ng wagas na pag-ibig. Gusto kong mahawakan ang kanyang mga kama-

Kamalas-malasan naman oh!
Nakita kong paparating ang apat na kulugo. Sila Leo, sikat na basketball player sa school namin. Matangkad, semi-kalbo at saksaaaakan ng yabang!

Yung tipong noong naghagis ng kayabangan eh sinalo lahat. Hindi naman gwapo, mukha nga syang hotdog na naglalakad eh. Sa likod naman nya ang kanyang mga alepores na kulang na lang ay dilaan ang sapatos nya. Sira ang diskarte ko. Lalapitan ko pa naman sana si Ayen. Tsk!

"Yen, musta na?" Baka gusto mong manood ng laro mamaya.",mabilis na umupo si Hotdog sa tabi ni Ayen.

"Di ako mahilig sa basketbal.", humarap si Ayen sa kabilang pwesto.

"Eh di, magmeryenda na lang tayo"

"May baon ako."

"Ahh... nood na lang tayo sine."

"Busy ako.", di man lang nag aksaya ng panahon para tingnan si Hotdog.

Parang nainis na ang kumag. Bigla syang tumayo at humarap kay Ayen. "Ano bang problema mo?"

"Huh? Wala akong problema, ikaw meron ata. Tingin ko may problema ka sa pagmumukha mo."

"Bakit ka ba ganyan? Ano bang kulang? Magaling ako mag basketball, sikat ako sa school. Swerte mo nga ikaw ang nagustuhan ko."

"Aba ang mlas ko nga at ako pa."

"Ayen, tandaan mo`to. Hindi magtatagal, mapupunta ka rin sakin."

"K."

Halos umusok amg bunbunan ni Leo.Pulang pula ang mukha. Lalo tuloy nagmukhang hotdog.

Parang gusto kong tumawa ng malakas. Kaso parang... parang papunta ata sa direksyon
ko sila Leo. Yari....

"Anong ngini-ngiti-ngiti mo dyan? Huh?!"

"Hah? Ahh...wala-"
Urgghh!...Halos maihi ako sa sakit. Sinikmuraan ako ng kumag.

"Sa susunod, wag kang haharang sa dadaanan ko lalo na pag mainit ulo ko. Alis dyan!", tinulak ako at napasubsob sa semento. Tangina! Sakit!

"Hey, ok ka lang?", si Ayen lang pala kala ko kung sino na- Wahh! Si Ayen! Nilapitan ako!Wuhooo!

On the day that you were born
The angels got together
and decided to create a dream come true
So they sprinkled moondust in
your hair of gold
and starlight in your eyes of blue...

"Ah...ehh... ok lang ako...", pinilit kong tumayo, syempre patikas para pogi points.

Inalalayan nya ako papunta sa puno. "Upo ka. Pasensya ka na hah. Siraulo talaga yung grupo ni Leo eh."

Wala naman ako sa sarili. Nakatitig lang ako sa kanya.

"'Oo nga pala, kakausapin talaga dapat kita. Kasi yung tungkol sa baby thesis natin sa Bio. Wala akong ka partner eh. Pwede ikaw na lang?"

"Hah? Gusto mo akong maging partner sa paggawa ng baby....thesis? Eh bakit wala basa mga kaklase mo?"

Wow naman! Swerte!

"Eh may mga ka partner na sila lahat eh. Sabi naman ni Mrs. Ignacio ok
lang kahit taga ibang section basta under pa rin nya. Umm bakit, ayaw mo ba? Sige ok lang naman.", nakita kong napasimangot sya ng konti.

"Ah hindi... hindi! Sige, partner tayo! Kelan tayo mag-uumpisa?", nasa higher section sya kaya nagtaka ako kung bakit ako ang kinuha nyang partner.

"Ummm... bukas. Pwede ba sainyo? Para mas madali mag brainstorm."

"Oo ba! Sige bukas...sa... sa bahay...bukas..gawa tayo....baby...thesis.", nagkanda utal-utal na ako.

"Sige, good. So...ahh...pasok na ako. Sige.. kita tayo bukas dito tapos tuloy na tayo sa inyo.", sabay ngiti.
Para akong malulunod

"O-oo sige...ingat...byeeee..."

liiiiiyyyyaaaaahhhhoooowww!

Para akong lumulutang habang naglalakad pauwi. Hindi ko inaasahan ang swerte ko!

"Mother, oh my mother! Pa-kiss nga!"

"Anong problema mo? Francisco, sagutin mo nga ako ng maayos.", seryoso ang mukha ni ermats. "Nag-dru-drugs ka ba?"

"Po?! Hindi no! Ano ba yun?! Hindi Ma, masaya lang ako. Hihih...", abot tenga ang ngiti ko.

"Aba siguraduhin mo lang Francisco at pag nagkataon eh ako mismo ang puputol sa sungay mo! Syanga pala, kailangan kong lumuwas sa Mindoro. May pinaasikaso ang Lola mo. Sa Lunes na ako babalik. Tatlong araw kang bantay sa bahay. May pera dun sa tokador para sa pagkain mo. Bantayan mong maigi 'tong bahay hah."

"Sure Mother dear. Akong bahala!"

Tumingin ulit ermats na parang walang tiwala sakin.

"Ma naman! Kaya ko 'tong bantayan. Relax ka lang."

"Eh ano pa nga ba. Kung hindi lang importante yung lakad ko eh. O sya sige magiimpake muna ako."

Dumiretso ako sa kwarto at sumampa agad sa kama. Swerte nga naman! Wuhoo!

Sumilip ako sa bintana.

Nasaan na ba yung aso at magpapaihi ulit ako!