Boss - Chapter 1

Author's note: Please read the Prologue para mas maintindihan ang story :) Salamat pala sa comments and likes!

Chapter 1

Nakatitig ako sa kanya habang naglalakad sya papalapit. May halong kaba. Nag "Hi" sya sa lahat, ngumiti, at isa isang nilapitan para kumamay. Sya yung type na mapapangiti ka na lang pag nakita mo syang nakangiti. Isa, dalawa, tatlo… Nagbibilang ako ng mga segundo kung kelan sya makakarating sa tapat ko. Tinitingnan ko mga galaw nya. Mahiyain ba sya o mahinhin lang talaga kumilos? Tapos, ito na, katapat ko na sya. Nakangiti at naghihintay na sagutin ko ng kamay ang maliliit nyang kamay. Kahit na nagbilang ako ng ilang segundo di ko na matandaan saan ba ako tumigil. Sinagot ko ang mga kamay nya. Ang lambot. Ang kinis. Ang lamig.

"Hello po." Yan lang nasabi ko sa kanya. Tanginang "hello po"! Ahaha.

"Hi", sagot nya kasabay ang napakagandang ngiti.

In my head parang eksena sa pelikula ang nangyari. Unang pagtatagpo ng mga bidang artista. Slow motion ang galaw, may pa hangin effect pa. Sana nga lang kagaya ng mga pelikula ang nangyari. Sana may malalalim na titigan na naganap. Sana may moment na di agad nabitawan ang kamay.

Sapat na sakin yun that time. Makilala sya and makamayan. Matapunan ng nakapagandang ngiti. Di na ko nagisip na may ibang pupuntahan pa ang pagtatagpo na yon. Sya ang producer, ako ay artista. She's really in a different class. Di naman sya katulad kong actor na pwede ko kausapin dahil nagiging friendly lang ako.

Nagsimula na kami magrehearse. Same routine parin naman. Kapag di ko eksena andun ako sa isang sulok at nagmememorize ng linya. Minsan nakikipagbatuhan ng linya kay K oh kaya naman sa ibang mga actor para mas mabilis ko maalala mga linya. Si K parin ang palagi kong katabi, pero alam kong may nag-iba noong araw na yun. Kahit na iwasan ko na di tumingin, nagnanakaw at nagnanakaw parin ako ng sulyap. Bibisita kaya ulit sya sa mga susunod na araw? Makikita ko kaya ulit syang ngumingiti na directed at me? Di pa tapos ang rehearsal nung nagpaalam sila ng secretary nya. Tinitingnan ko sya habang lumalakad papaalis.

Natapos ang rehearsals makalipas ang ilang oras. Naiisip ko parin sya. Naamoy ko parin ang pabango nya sa kamay ko. "Haaay…." Buntong hininga na lang. Di ko maalala pangalan nya. Alam ko narinig ko pangalan nya kanina pero di ko yata pinansin. Nahihiya naman ako magtanong at magpakita ng interest. Pero naisip ko din, wala namang mawawala kung itanong ko pangalan nya.

Noong araw na yun, andun din sa venue ang Production Manager namin. PM tawag namin sa kanya. Bakla si PM. Palakaibigan at masiyahing tao.

"PM ano nga pangalan ng producer natin?", tanong ko sa kanya.

"Hmmm... Bakit mo tinatanong? Ikaw ha.", pabirong sabi ni PM na halata mong playful lang, sabay taas ng kilay at ngiti.

"Nakalimutan ko lang PM. Kanina ko pa iniisip eh.", sa isang malambing na tono.

"Si Ma'am Belle. Ganda nya noh? Di na pwede yun may asawa na yun."

Napangiti naman ako sa sinabi ni PM. Pangalan lang naman tinatanong ko diba? Tinanong ko na lang din kung pano napunta si Ms. Belle sa pagpo produce ng theater plays. Kaibigan pala ni direk yung secretary ni Ms. Belle. Nagkataon na naghahanap ng bagong business venture si Ms. Belle at pinakilala ni Ms. Secretary si direk. Mukhang nagustuhan naman ni Ms. Belle ang business opportunity na ito kaya nagtayo sya ng bagong group. Di biro magproduce ng palabas. Bukod sa talent fee ng lahat ng cast at staff, may set, venue, food, marketing, lights and sounds, at props and costume pa na kailangan pagka gastusan. Sa tantya ko humigit kumulang 600k ang magagastos ni Ms. Belle sa palabas na to. Mayaman talaga siguro - well oo. Asawa pala sya ng isa sa mga Executive Secretary ng Presidente that time. Oo. Presedente ng bansa. Biglang lalong lumaki ang agwat naming dalawa. Ibang klase si madam. Ibang level talaga.

Makwento talaga si PM. Kahit mga bagay na di ko naman tinatanong nakkwento nya. Kung saan saan na napunta ang usapan hanggang parang iniinterview na nya ako. Para syang imbestigador na interested sa love life at personal life ko. Sinasagot ko naman ang mga kaya ko sagutin. Pag hindi ko gusto ishare di ko na lang pinapansin ang tanong oh di kaya ngingitian ko na lang sabay sabi ng "secret". Hanggang...

"Nagkajowa ka na ba ng bakla?", biglang tanong nya sakin out of the blue.

Okay, sign na to para magpaalam at umuwi. "Wala PM. Straight po ako. Buhok ko lang ang di straight sakin." Kasabay ang pacute na ngiti at nagpaalam na ako umalis.

Naglalakad lang ako palabas ng intramuros, tapos tatawid sa kabila ng Taft Avenue malapit sa area ng City Hall ng Maynila at sasakay ng jeep or FX pacubao. Minsan hanggang LRT Recto lang pag maaga natapos rehearsals at may byahe pa ang LRT. Pagbaba ko ng venue di ko inaasahan ang nakita ko. Nakatayo katabi ng streetlamp si K. Nakatungo at may tinitingnan sa phone. Umuuwi agad usually si K pagkatapos ng rehearsal. May driver na naghihintay at usually nakapark lang naman sa gilid ng kalsada sa baba ng venue.

"K bakit nandito ka pa? Asan driver mo?"

"Wala pa nga eh, nastuck daw sa traffic.", sagot nya na parang nagulat pa at bigla ko sya tinawag.

"Hindi ba usually naghihintay lang sya sayo dito? Di mo kasama today?"

"Hinatid lang nya ako kanina tapos umalis din agad kasi may errands sa kanya si mama."

Lumapit ako sa kanya since nakikipagusap naman ako sa kanya. Umupo ako sa gutter sa bandang kaliwa nya.

"Oh asan na daw sya ngayon? Malapit na ba?"

"Di daw gumagalaw eh." Sabay tingin sa phone at buntong hininga.

Di na nya nasabi kung nasan. Di ko na din tinanong. Gusto ko lang naman samahan sya maghintay para naman di sya mainip. Safe naman yung lugar na pinagpapractice-an namin kaya kahit di ko sya samahan, I'm sure safe sya. Nasa tapat lang kasi kami ng barracks ng guards nun.

"Samahan na lang kita maghintay para di ka mainip."

"Naku Kris wag na. Late na din baka wala ka na masakyan pauwi."

Natawa ako sa kanya. Partly kasi ang cute nya. Im sure di sya sanay mamasahe pauwi.

"May taxi naman. Saka di naman nawawalan ng jeep dito pacubao.", nakangiti ako na natatawa habang nagsasalita.

"Sure ka?"

Ngumiti lang ako at tinaas ko kilay ko bilang pagsang ayon. Naglabas ng phone at nagcheck kung anong oras na at nagcheck na din kung may message ba. Naramdaman ko na lang na umupo sya sa tabi ko. Hindi maarte si K. Maarte or maalaga siguro sa katawan, oo, pero di sya nahihiya na umupo sa sahig o sa gutter. Kahit na alam kong laking yaman si K, marunong sya makisama at wala akong reklamo na naririnig sa kanya. Mas nagrereklamo pa nga ako sa pagkain namin pag nagrerehearse eh.

Tumingin ako sa kanya, ngumiti at bumalik sa phone ko ang atensyon. Napansin ko ang legs ni K. Naka shorts lang kasi sya na maong nung time na yun. Kahit na ilang beses ko na sya nakitang nakashorts, di ko naman sya tinititigan specially ang legs nya. Sabi ko nga, gentleman parin naman ako at mahirap na baka isipin ng ibang tao na ang manyak ko naman. Kahit na nakaharap ako sa phone, nakatingin naman ang mga mata ko sa legs nya. Makinis talaga si K. Ang puti ng mga legs at mukhang mabango lahat ng parte ng katawan.

Amoy ko ang bango ni K. Nadadala ng hangin ang bango nya. Nakatingin lang sya sa phone at nagta-type. Di ko na inusisa kung sino kausap nya. Nagcheck na lang din ako ng Facebook. Lumipas ang ilang minuto na di kami naguusap.

"Sa cubao ka umuuwi diba?", tanong nya sakin.

"Oo. Sa 15th avenue lang. Bakit?"

"Sasabay na lang ako kay mama umuwi. Nasa gateway daw sya ngayon eh. Parang matatagalan pa si Kuya Vin (driver nya) eh."

"Sige samahan na lang kita."

Shit. Kinabahan ako sa excitement bigla. Ano sasakyan namin? Ayain ko ba sya magjeep or FX?

Tumayo na kami sa pagkakaupo. Inalok ko kamay ko para tulungan sya tumayo. Habang hawak ko kamay nya, dumaan palabas si PM at ibang staff na naiwan kanina. Tumingin sila samin sabay ngiti at nagpaalam na paalis. Nawala na sa isip ko na hawak hawak ko parin kamay ni K sa kanang kamay ko. Nagsimula ako maglakad na di ko parin sya binibitawan. Di naman nya inaalis kamay nya. Nung makailang hakbang na kami, saka ko na lang naisip na hawak ko parin kamay nya. May ilang mga eksena kasi sa palabas na hawak ko naman ang kamay nya, bilang magasawa naman kami sa palabas, kaya siguro di ako conscious sa nangyayari. Pinakiramdaman ko lang. Ilang saglit pa, nagvibrate bigla ang phone ko na nakasuksok sa kanang bulsa. Kinuha ko at tiningnan. Shit. Bakit kanang kamay ang pinangtanggal ko ng phone? Bakit?? Pano ko na ngayon mababalik ang kamay ko sa pagkakahawak sa kamay nya? Di ko na binasa kung anong notification man ang nareceive ko. Humarap na lang ako sa kanya at nakipagkwentuhan habang naglalakad. Kinuha ko ang dala nyang script at ako na nagdala.

Nawala na sa isip ko si Ms. Belle. May ibang opportunity sa harap ko. Syempre dito muna ako magfofocus.

May mga bahayan kami na dadaanan bago sumapit sa gate palabas ng intramuros. Nahalata ko na uneasy si K sa lugar dahil may mga nagiinom sa labas. Dumikit ako sa kanya. Inakbayan ko sya. (Akbay na may paggalang, hindi yung akbay na parang teenager na magjowa)

"Wag mo na lang sila pansinin para di ka din mapansin. Don't worry kunwari boyfriend mo ako.", sabi ko sa kanya.

Ngumiti lang sya sakin. Naglakad kami na di nagsasaslita. Pinakikiramdaman ko lang ang lugar kung may papansin ba sa kanya. Sigurado ako na merong nakapansin sa kanya. Hindi mo naman kasi matatago ang ganda ni K. Kahit di mo makita ang mukha, alam mo agad na maganda sya at mukhang may kaya. Hindi sya yung ganda na pagpapantasya mo kaagad. Pero sya yung ganda na magiging proud ka ipakilala sa parents mo. Maamo ang mukha nya at mukhang sobrang bait at inosente. Kung ikukumapara ko ang ganda nya kay Ms. Belle, magkaiba sila ng dating eh. K is a girl, Ms. Belle is a woman.

Nakalampas na kami sa area. Tinanggal ko na pagkakaakbay ko sa kanya. Kung ano anong mga bagay pinagkwentuhan namin. Unang palabas nya pala ito. May plan syamg pumasok sa show business. Nakikita ko naman na may future sya sa showbiz. Di ko nga napansin na baguhan pala sya. Nagworkshop din pala sya sa star magic at plan din sya ilaunch as a star magic talent. Iba talaga pag malakas connections mo. Ang daming artists na nagpapakahirap sa break na minsan lang dumating. Isa sya sa mga panhatak na pangalan para sa show namin. Bukod syempre sa lead actress na kilalang TV host at endorcer.

Dumaan kami sa underpass papunta sa kabilang parte ng kalsada. Nakakatuwa sya tingnan na natutuwa sa underpass kasi first time nya dumaan don. Ang cute nya talaga tingnan. Pagdating sa hintayan ng jeep, wala pang gaanong pasahero yung jeep na nakapila. Wala pang FX na dumadaan. May tumigil na taxi sa harap namin habang nagkkwentuhan kami. Di ko naman sya pinara pero tumigil sya at nagaalok kung sasakay kami.

"Tara taxi na lang tayo", sabi ni K.

Di na ako nakatanggi. Mas gusto ko sana FX or Jeep kasi alam kong mas didikit sya sakin kasi siksikan naman usually. At di naman ako usually nagtataxi pauwi. Wala na matitira sa rehearsal fee ko kung magta-taxi ako palagi.

Pinagbuksan ko sya ng pinto at sumakay kami ng taxi. "Ang luwag naman dito.", yan agad naisip ko. Di ko inakala na may moment pala na maiinis ako kasi ang luwag ng sasakyan. Kwentuhan parin as usual. Small talks na wala naman talaga kahulugan. Mas mabagal ang daloy ng traffic pag dating sa may Quiapo hanggang sa pabigat na ng pabigat pagpasok ng Espaa. "Nice", buti naman at mas matagal ko sya makakasama.

Maya-maya pa, napapansin ko na parang nilalamig sya. Sobrang iksi kasi ng shorts nya at manipis lang na white shirt ang suot nya. Gusto ko sana ialok ang maiinit kong mga palad para mainitan sya, kahit sa legs lang. Haha.

"Halika, lapit ka sakin para di ka lamigin", sabi ko sa kanya.

Lumapit sya ng konti at ako na ang nagtuloy ng paglapit sa kanya. Naisip ko din kasi na kung sa middle seat sya uupo, mas lalo lang tatama ang buga ng aircon sa kanya. Dumikit ako sa kanya. Nakalapat ang braso ko sa braso nya. Tuloy parin kwentuhan namin ng walang katuturan na mga bagay bagay.

Katahimikan.

Wala na kami mapagusapan. Ang hirap magisip ng paguusapan kung conscious ka sa kasama mo. Marami naman ako gustong malaman tungkol sa kanya pero di ko maalala nung time na yun. Yung amoy nya at lambot ng balat nya sa braso ko ang tumatakbo sa isip ko. Ang hirap magmulti task. Kailangan may puntahan to.

Nakatingin ako sa labas ng taxi at nakatulala sa taillight ng sasakyan na nasa harap ng taxi namin nang bigla ko naramdaman na may humawak sa braso ko. Nilingon ko si K, ngumiti sya sakin at sabi,

"Pwede?"

Ngumiti lang ako at tuluyan na nya niyakap ang braso ko. Umalis ako sa pagkakasandal sa upuan para bigyan pa ng space si K. Di sya nagsasalita. Yumakap at nakahilig lang sya sa braso ko. Inaantok ba sya? May ibig sabihin ba 'to? Ayokong magkamali.

Itutuloy...