1. Home
  2. Stories
  3. Dominating Series: Substitute Teacher Ella Part III
Filipino Sex Stories

Dominating Series: Substitute Teacher Ella Part III

4 minutes
This is a work of fiction. Unless otherwise indicated, all the names, characters, businesses, places, events and incidents in this book are either the product of the author's imagination or used in a fictitious manner. Any resemblance to actual persons, living or dead, or actual events is purely coincidental

Author's Note:
Hello reader! Just a little heads up: non-erotic chapter ahead. If you came here for quick fap, you should probably skip to the next story. Probably. Which means don't. Please. This is just a short chapter so take a seat and enjoy!

PS. Sorry for being such a tease. Babawi ako next chapter, promise! *wink*

-----

Makailang linggo narin ang lumipas simula nang mag substitute teacher si Ella sa pinaka prestiryosong kolehiyo sa kanilang bayan. Mabilis na lumipas ang mga araw at hindi na niya namalayan na magiisang buwan nadin pala mula nang siya'y magturo dito. Bagama't may mga oras na nagiinit ang kanyang ulo dahil sa walang modo niyang estudyante na si Wayne, aaminin niya na nagustuhan naman din talaga niya ang pagtratrabaho niya dito gaya nga ng hula ng kanyang co-teacher na si Sir Max. Kaya naman nang makatanggap siyang muli ng tawag mula dito ay tila ba may halong kirot siyang naramdaman sa kanyang puso.

"Ma'am Ella! Kamusta ka naman dyan? Pinahirapan ka ba naman ng mga estudyante ko?"

"Sir Max, ikaw pala yan! Hindi ko narecognize ang number mo dahil international. Aba, may messenger naman. Napamahal ka pa siguro nyan makamusta lang ako, haha!"

"Ma'am alam mo namang galante ako. Barya barya lang sakin yan. Ano ba naman ang kakaunting barya makamusta ko lang ang paboritong co-teacher ko?"

"Sus, Sir Max! Ang sabihin mo, hindi ka lang marunong mag facebook at mag messenger,"

"Sssshhh! Wag kang maingay at baka may makarinig sayo, hahaha!"

"Ikaw talaga Sir oh. Paguwi mo ay tuturuan kita. Kailan ka nga pala babalik?"

"Ah siya na nga kaya ako napatawag. Successful ang operasyon ni papa at ngayon nakakarecover na siya. Aasikasuhin lang namin ang pagdidischarge niya sa hospital at sa susunod na linggo ay makakauwi na ko."

"Ganun ba? Magandang balita yan Sir Max..."

"Parang nalulungkot ka, Ma'am? Nagustuhan mo na din ang pagtuturo dyan 'no?"

"Aaminin ko napamahal nadin ako sa klase mo Sir Max. Well, maliban sa isa."

"Hahaha! Ang tinutukoy mo siguro ay si Wayne."

"Siya na nga."

"Sinasabi ko na nga ba. Una palang ay alam ko nang magkaka tapatan talaga kayong dalawa. Parehas kayong dominant eh, hindi nagpapatinag kahit sino pa ang kabangga. Ka liit mong tao eh ang tapang mo,"

"Ako pa ba ang matapang? Sa loob ng classroom, ako ang teacher at siya ang estudyante. Walang kinalaman ang social status niya sa klase ko."

"Dyan naman ako bilib sayo, Ma'am. Tama lang na sayo ako lumapit. Hayaan mo at papa despedida ako para makabawi sayo. Tutuloy ka na bang talaga ng Switzerland?"

"Oo, Sir Max. Asahan ko na yang pa despedida mo ah!"

"Oo naman, Ma'am! Akong bahala sayo. Osiya sige na at baka may mas importante ka pang gagawin. Tumawag lang ako para mamalita,"

"Anytime, Sir. Magiingat ka dyan,"

"Ikaw din, Ma'am!"

Sa pagbaba niya ng kanyang telepono ay kasabay din ng pagbaba ng kanyang mood sa araw na yon. Ito na ang huling beses na makakapagturo siya dahil magiiba na ang tatahakin niyang landas pag dating niya ng Switzerland. Nalulungkot man ay minabuti nalang ni Ella na sulitin ang mga huli nyang sandali bilang guro kaysa gugulin pa ang mga natitira nyang oras sa pagkalumo. Kung tutuusin ay makakasama narin niya ang first love niya, at hindi rin naman niya mapigilan ang ma excite.

Sa pagbalita niya sa buong klase na susunod na marahil ang huli nilang meeting ay kitang kita ang pagkadismaya nilang lahat dahil napamahal nadin sila sa kanilang teacher na si Ella. Strikto man kasi ito ay talaga namang may natutunan sila dahil inaalala niya talaga ang kanyang mga estudyante, hindi katulad ng iba na basta makapagturo lang ay sapat na.

Higit na dismayado sa lahat ay si Wayne. Halos nawala na sa isip niya na nagsusubstitute teacher nga lang pala ito sa klase nila. Hindi pa man niya naisasakatuparan ang pinaplano niya ay mawawala na agad ito. Ngunit sa kabilang banda, maganda na din pala na nangyari ito. Ibig sabihin lang eh malaya na siyang gawin ang kahit anong gusto niya dahil hindi niya na ito teacher, kahit sa simula palang naman eh wala na talagang pakialam si Wayne sa patakaran ng paaralan o ng kung sino pa man. Still, mas makakabuti na ito para sa kanilang dalawa.

'Mukhang natutuwa pa ang mokong ah. Demonyo talaga.' isip isip ni Ella sa kaniyang sarili ng mapansin ang naka ngisi nanaman na si Wayne. Nakatitig nanaman ito sa kanya at ngayon ay may kakaibang kislap sa kanyang mga mata na para bang may binabalak nanaman itong hindi maganda. Napahinga na lamang ng malalim si Ella. Kaunti nalang at hindi na niya kailangang makita pang muli ang lalaki na to.

To be continued...