Wet N Wild Finale

Limang taon na ang nakalilipas simula nang maiba ang buhay ko. Ang dami kong natutunan sa buhay. Lahat ng bagay ay walang kasiguraduhan, dahil lahat pwedeng magbago. Maaring mahal mo s'ya ngayon, pero pwede ring maiba kinabukasan.

Nakakatakot 'di ba?

Pero dapat h'wag kang matakot. Isipin mo lang ay 'yong ngayon, at kung may magbago man, matuto nating tanggapin ang sitwasyon at magpatuloy ulit sa buhay. Isipin mo na lang na may nakalaan para sa'yo.

At nakalaan nga ako kay Jacqi.

S'ya ang naging bahaghari ko sa unos na naranasan ko sa una kong asawa. At masaya na ako na s'ya ang kapiling ko sa buhay ko ngayon.

Ilang buwan matapos s'yang manganak ay bumukod na kami. Ayaw pa noong una ni Jake dahil masaya naman daw na sama-sama kami sa iisang bahay pero ang lakas kasi talaga umungol ni Jacqi, hindi ko magawa ng maayos ang performance ko. Baka kasi marinig kami ng ibang tao sa bahay.

Bumili ako ng bagong bahay, sasakyan at mga gamit para sa amin ni Jacqi. Talagang nagsimula ulit sa umpisa ang buhay ko kasama si Jacqi.

Ngayon ay busy akong magluto ng agahan dahil plano kong sunduin si Jacqi mula sa ospital na pinagtatrabahuan n'ya. Isa na s'yang ganap na nurse at napagsabay n'ya noon ang pagiging estudyante, at asawa't ina sa pamilya n'ya. Naka-suporta ako sa kanya bilang asawa n'ya.

"Dada..."

Napalingon ako sa may pintuan ng kusina. Papungas pungas pa ng mata ang anak ko na si Elijah—apat na taong gulang.

May maliit na harang kasi na parang bakod sa may bukana ng kusina kaya hindi s'ya makapasok. Lumapit ako sa kanya at inayos ang gulo-gulo n'yang buhok bago s'ya buhatin at iupo sa lamesa.

Nag-squat ako sa harap n'ya para punasan ang mukha n'ya ng tissue. "Masarap ba ang tulog ng baby ko?"

Wala pa s'ya sa ulirat na tumango. "Asan si mama?"

Ngumiti ako at hinalikan s'ya sa noo. "Sunduin natin si mama matapos natin kumain, ha?"

Ngumiti s'ya at humawak ang maliit n'yang kamay sa pisngi ko para halikan ako sa labi. "Love you, dada."

Napangiti rin ako at mabilis na ginantihan din s'ya ng halik sa labi. "Mas mahal ko kayo." Tumayo na ako sa harapan n'ya. "D'yan ka lang, ha. Magluluto lang si dada."

Bumalik ako sa pagluluto. Mahirap pagsabayin ang trabaho at pag-aalaga sa bata. Buti na lang ay wala akong pasok tuwing weekend. At salamat na lang din na nand'yan sina Jacob at Iyah para tulungan kami sa pag-aalaga dahil hindi na nasundan ni Jake ang huli n'yang kambal na sina Aki at Iro.

Salitan kami sa pagdalaw para mag-bonding ang mga bata. Sa murang edad nila Julian, Jillian, Aki at Iro ay naging tito't tita na sila nang manganak si Jacqi.

"Dada..." Muli akong napalingon kay Elijah. May tinuro s'ya sa may pintuan. "Si Elias..."

Napatingin ako sa may pintuan at nakatayo nga doon si Elias na dumedede pa sa bote n'ya kahit wala ng laman. Napangiti ako at nilapitan s'ya. Kinuha ko ang bote n'ya bago s'ya kargahin.

"Kawawa na 'yong dede mo. Punit na ang tsupon." Hinalikan ko pa ang malulusog n'yang pisngi.

Yumakap naman si Elias sa akin at humalik din sa pisngi ko. "Dada...gutom na ako..."

"Ito na nga. Nagluluto na po." Binaba ko s'ya sa upuan na katabi ni Elijah. Humarap naman ako kay Elijah. "Bantayan mo kapatid mo."

Tumango s'ya at hinawakan ang kamay ni Elias. Napangiti ako at ginulo ang buhok ng dalawang bata bago ako muling bumalik sa pagluluto.

Muli ko silang nilingon nang marinig ko silang kumakanta.

"Tong, pakitong-kitong, alimangong nangangagat..." Sinasabayan pa nila ng paggalaw ng ulo at mga daliri nila. Pareho pa silang nagngingitian sa isa't isa.

Hindi ko lubos maisip na darating ang araw na ito at masasaksihan ko ang ganitong senaryo. Ang sarap sa puso.

Napatingin ako ulit sa bukana ng kusina nang may marinig akong umiyak. Agad akong tumakbo papunta sa kwarto para puntahan ang bunso ko.

Nakabusangot na pumupungas pa si Eliot habang nakaupo sa kama. Tinaas n'ya ang kamay n'ya na nagpapakarga. Ngumiti ako at lumapit sa kanya.

Inihiga ko s'ya para papakin ng halik sa pisngi at leeg. Bumungisngis naman s'ya sa kakatawa. "Dada!"

"Ikaw na lang lagi ang huling gumising." Kinarga ko na s'ya at dinala sa tabi ng mga kuya n'ya—ang triplets ko.

Hinawakan naman ni Elias ang kamay ni Eliot. "Eliot, kanta ka na dali."

Ito ang bonding nila lagi sa tuwing hinihintay akong matapos magluto ng agahan—ang kumanta.

Ngumiti naman si Eliot sa mga kuya n'ya na hirap pa ring idilat ang mga mata dahil kakagising lang. Ginalaw pa n'ya ang ulo n'ya na handa ng kumanta.

"'Di mo alam dahil sa 'yo, ako'y 'di makakain..."

Naubo ako sa sarili kong laway. Hayup na Iyah na 'to. Kung anu-ano ang tinuturo sa mga bata. Sinabayan pa si Eliot ng mga kuya n'ya sa pagkanta. Wala na akong nagawa dahil nasakop na sila ng kalokohan ni Iyah.

Muli kong tinuon ang sarili ko sa pagluluto. Nang matapos ay isa-isa ko silang linatagan ng plato at linagyan ng bib sa dibdib nila.

Natahimik na silang tatlo sa pagkain. Sinanay ko na silang kumain sa sarili nila. Tinuruan ko sila na hindi dapat makalat kumain para hindi sayang ang pagkain.

Naupo naman ako sa harapan nila para panoorin silang tatlo.

Si Elijah—ang panganay. Mabait, masipag at maasahan mo sa pagbantay sa dalawa pa n'yang kapatid.

Si Elias—ang gitna. Matalino, madaldal at walang ginawa kung hindi ang kumanta. Matanong s'ya sa lahat ng bagay na nakikita n'ya.

Si Eliot—ang bunso. Pasaway, matigas ang ulo at lapitin ng mga batang babae. Mukhang sa kanya ako kinakabahan sa paglake.

Nakaka-proud ang tatlong ito. Ang mga magigiting kong anak na lumangoy para mahanap ang mata ni zenki.

Masaya na magulong magpalaki ng triplets. Kulang na lang ay hatiin ko ang katawan ko sa tatlo kapag napag-tripan nilang tumakbo sa magkakaibang direksyon.

Pero mahal ko sila—sila at ang nanay nilang si Jacqi.

Matapos kumain ay pinaliguan ko na sila nang sabay-sabay sa bathtub. Tuloy pa rin sila sa paglalaro at binabasa pa ako. Kailangan ko rin naman silang sabayan sa pagligo dahil walang magbabantay sa kanila kapag humiwalay pa ako sa pagligo sa kanila.

Gaya ng nakasanayan ko na sa mga trip nilang tatlo ay tumakbo na naman silang triplets kaya pahirapan akong bihisan sila. Agad kong nahuli si Eliot.

Kumakawala pa s'ya pero tinadtad ko na s'ya ng pulbo at mabilis na binihisan. Sunod kong hinabol si Elijah at binato s'ya ng unan sa ulo kaya natumba s'ya.

Tumatawa pa s'ya habang buhat ko s'ya pabalik sa kwarto. Mabilis ko rin s'yang binihisan para si Elias naman ang habulin.

Naghabulan pa kami ni Elias paikot sa lamesa pero humarang na sa kanya si Eliot at Elijah kaya nahuli ko s'ya. Binihisan ko na s'ya at hinayaan na ang tatlong magbugbugan sa kwarto habang nagbibihis ako.

Hindi ma-gets ni Jacqi bakit ganitong klase ko raw laruin ang mga bata. Hindi ko na lang masabi na ganito talaga mag-bonding ang mga lalake—ang wrestling.

Matapos kong magbihis ay dumiretso na kami sa kotse. Inayos ko ang seatbelt nila bago ako sumakay sa driver's seat. Habang nagmamaneho ay kumanta na naman ang tatlo.

"Binibining marikit na dalangin ko..."

Napatingin ako sa kanila sa rearview mirror. Napa-iling na lang ako. Kulang na lang ay sumama sila kay Iyah sa pagtambay sa mga videokehan. Imbes na pambatang kanta ay mga pangmalakasan n'ya sa videokehan ang pinapatugtog n'ya sa bahay sa tuwing binabantayan n'ya ang triplets.

Tinext ko naman si Jacqi at sinabing papunta na kaming mag-aama n'ya. Ilang minuto na lang kasi ay tapos na ang duty n'ya sa ospital.

Saktong paghinto ko sa entrance ng ospital ay lumalabas si Jacqi. Agad s'yang sumakay sa tabi ko.

"Good morning, love." Bati n'ya sa akin sabay halik sa labi ko.

"Good morning, love." Sagot ko naman at humalik pa ng isa sa labi n'ya.

Lumingon naman s'ya sa mga bata. "Ano? Nag-wrestlingan na naman kayong mag-aama?"

Tumawa lang ang tatlo, ako naman ay napangiti lang. Bumyahe na ako papunta sa destinasyon namin. Naisipan kong ipasyal sila sa Tagaytay.

Kumain kami ng tanghalian sa sikat na bulalo sa Tagaytay bago palaruin ang mga bata sa amusement park. Pinagod ko muna sila bago dalhin sa hotel para magpahinga.

Agad nakatulog ang triplets kaya nagkaroon ako ng oras kay Jacqi. Nakayakap ako sa likuran n'ya at sapo ng isang kamay ko ang suso n'ya. Humahalik pa ako sa balikat n'ya dahil tanging bathrobe lang ang suot naming dalawa.

Bukas ang kurtina ng bintana at tanaw ang Taal sa papalubog ng araw.

"Baka pagod ka na..." Banggit ko pa sa kanya dahil galing pa s'ya sa trabaho.

Liningon n'ya ako para halikan ako sa labi ko. "Mapapagod ako sa trabaho pero sex ang bubuhay sa akin."

Napangisi ako at gumanti sa kanya ng halik. "I love you..."

Napakagat s'ya sa babang labi ko habang naka-ngisi. "Patay na patay ka naman sa akin..."

Muling lumandas ang labi ko sa leeg n'ya pababa sa balikat n'ya pra halikhalikan ito. Ang kamay ko naman ay gumapang na sa loob ng bathrobe n'ya papunta sa lagusan n'ya–basa na naman ang labi ng ari n'ya. Hinimas ko ang daliri ko sa hiwa n'ya habang ang isang kamay ko ay lumalamas sa suso n'ya.

Muling umakyat ang labi ko papunta sa tenga n'ya at may binulong. "Annulled na ang kasal namin..."

"Congrats. Binatang ama ka na."

Napangisi ako sa sinabi n'ya. Dinilaan ko pa ang tenga n'ya bago s'ya sagutin. "E, 'di h'wag mo akong gawing binata. Pakasalan mo na ako."

Gumapang na rin ang kamay ni Jacqi at dinakma ang ari ko. Hinimas n'ya ito para patigasin. "Puro sabi. Wala namang pa-singsing."

Napangiti ako habang pinapanood ang repleksyon naming dalawa sa window glass ng hotel. "Matagal ng nasa sa'yo ang singsing."

Nagsalubong ang kilay n'ya at liningon ako. "Kahit wala naman."

Hinarap ko s'ya sa akin habang patuloy na nilalaro ang hiwa n'ya. "Nasa kwintas na suot mo—'yang regalo ko sa'yo noong 19th birthday mo."

May malaking bilog na flat na pendant kasi ang kwintas na niregalo ko sa kanya. Tinignan n'ya ang kwintas na suot n'ya bago ako tignan. "Nabubuksan 'tong bilog?"

Ngumiti ako at tumango. Hinawakan n'ya ang pendant at sinubukang buksan ito. May hiwa sa gilid ng pendant at 'yon ang pinaghiwalay n'ya. Pagbukas ng pendant ay ang diamond ring na binili ko para sa kanya.

Napakurap s'ya sa nakita n'ya at napatingin sa akin. "Bakit may singsing dito?"

Humawak ang isa kong kamay sa pisngi n'ya at hinalikan s'ya. Ang isa ko namang kamay ay pumasok na rin ang dalawang daliri nito sa lagusan n'ya.

Sinandal ko ang noo ko sa noo n'ya. "Hindi ako magaling sa salita pero alam ko na sa sarili ko noon na mahal na kita."

"Ang panget mo namang mag-propose, habang dinadaliri mo ako..."

Natawa ako sa kanya. "Sarap kasi ng pepe mo."

Napa-irap naman s'ya sa akin sabay tanggal ng kamay ko sa hiwa n'ya. Hinawakan n'ya ang kamay ko at linagay sa t'yan n'ya.

"Kanina ko lang nalaman. Ito ang sagot ko sa proposal mo. Tatlong linggo para sa tatlong letra, YES."

Hindi ko na napansin ang sagot n'ya sa proposal ko dahil lumuhod na ako sa harap n'ya para halikan at haplusin ang t'yan n'ya.

Bumulong ako sa t'yan n'ya. "Sana maging babae ka. Pagod na ako sa mga pasaway mong kuya."

Natawa naman si Jacqi at hinila ulit ako patayo. "H'wag mo akong bitinin sa sex!"

Napangisi naman ako sa kanya. "Ito na. Kantot na kantot ka naman."

Pareho kaming natawa at muling nanaig ang init namin sa katawan.

WAKAS

^_^

Gusto ko lang magpasalamat sa pagsuporta niyo sa kwento ni Daddy Edward at Jacqi. Nakakataba ng puso ang mga likes, hearts, comments at messages niyo. Nakakalungkot tapusin ang kwento nila pero hahayaan ko na ang mga utak niyo ang magpatuloy sa pag-imagine sa buhay nilang dalawa.

Sana ay may nakuha kayong aral (kung meron man lol)

Sana makatagpo kayo ng isang Daddy Edward at isang Jacqi sa buhay niyo. At sana ay suportahan niyo ako sa mga gagawin ko pang mga kwento dito sa FSS.

Salamat!