Wild Things 25

Nakatingin lang sa akin si tita. Sinusuklay niya ang buhok ko gamit ang mga kamay niya.

"Lalo kang gumaganda Inah habang nagdadalaga."

Nakatitig lang ako sa mga mata niya. Hindi ko mabasa kung anong gusto niyang ipahiwatig. Alam niya na ba?

Bumilis ang tibok ng puso ko dahil sa kaba.

Hindi ko alam kung ano ang isasagot ko. Sinubukan ko na lang ngumiti. Habang siya ay patuloy pa rin ang pag-suklay sa buhok ko.

"Kumusta na kayo ng tito mo?"

Tangina.

Ramdam ko ang panginginig ng kamay ko. Huminga ako nang maraming beses para kumalma. Pero hindi pa rin niyon mawala ang kaba sa dibdib ko.

"P-po?"

Bumuntong-hininga si tita at hinawakan ako sa mga kamay ko. Pinagmasdan ko ang kamay niyang nakahawak sa kamay ko bago siya tignang muli sa kanyang mga mata.

"Hindi ka pa rin ba nabubuntis ng Tito Jake mo?"

Bagsak ang panga ko sa sinabi niya. Nahaluan nang pagkagulumihanan ang kaba ko. Inaasahan niya bang mabubuntis ako ng asawa niya?

Napailing ako sa sobrang kaguluhan. "H-hindi ko po alam. A-ano pong sinasabi niyo?"

"Makinig ka, Inah." Mas lalong humigpit ang pagkakahawak ni tita sa mga kamay ko. "Gaya ng ante mo, baog din ako."

Nanlaki ang mata ko sa pag-amin niya. Si Jacob? Si Jacqi? Anak sila ni Jake sa ibang babae?

Tila nabasa ni tita ang nasa utak ko. May namuong mga luha sa mata niya. "Hindi ko anak si Jacob at Jacqi. Anak siya ng tito mo ibang mga babae."

'Mga'

So magka-iba pa ang ina ng dalawang bata.

Bumabaliktad na ang sikmura ko.

Hinaplos ni tita ang kaliwang pisngi ko. "Tumatanda na ako, Inah. Malapit na akong mag-menopause. Baka tuluyang hindi ko na mabigyang anak si Jake na galing sa akin. Inah, ikaw na lang ang pag-asa."

Napakunot lalo ang noo ko sa huli niyang sinabi sa akin. "H-hindi ko po maintindihan. Gusto niyo po akong magkaroon ng anak kay tito?"

Tumango siya. "At least, kadugo kita. Mas tanggap ko na rin iyon at maituturing na sarili kong anak."

"So, ibebenta mo ako sa asawa mo? Para buntisin niya ako?"

Napahawak ako sa tiyan ko. Ang sakit. Para akong pinipilipit sa sakit.

"Ssshhh..." Umiling-iling si tita. "Sumang-ayon sa akin si Jake na gagawin niya ang kahilingan ko."

Mas bagsak ang panga ko sa narinig ko.

Ang gago lang.

Tumulo na pala ang mga luha ko. Pero sinubukan ko pang tapangan baka kasi nagkakamali lang ako ng dinig.

"A-alam ni tito 'to?"

Tumango si tita bilang tugon.

Para akong nalagutan ng hininga. Pero gusto ko pang may malaman. Kahit masakit, gusto kong malaman ang totoo.

"So planado ang lahat?" Pinunasan ng palad ko ang mga luhang tumutulo sa pisngi ko. "Kaya pinilit mo akong mag-aral sa Maynila at tumira sa inyo? Plinano niyo ito ni tito?"

Tumango ulit si tita.

Tangina ang sakit-sakit na.

Naalala ko ang lahat. Simula noong unang gabi kong matulog sa kanila, na nakita ko silang nagsisiping. Sa mga utos ni tita kay tito para tulungan ako. Sa mga utos ni tita sa akin para asikasuhin si tito. Naalala ko iyong pinasama ako ni tita sa out of town meeting ni tito at doon nakuha ni tito ang virginity ko.

Lahat ng iyon planado.

Lahat ng iyon ay para mapalapit kaming dalawa para magawa nila ang plano nila sa akin.

Tangina. Pinaniwala ako ni Jake na mahal niya ako. Ang sabi niya sa akin, maghintay lang ako at manatili sa tabi niya. Pero para pala maisakatuparan nila ni tita ang plano nila.

Tulo lang nang tulo ang mga luha ko. Bakas kay tita ang pag-aalala sa akin kaya hinawakan niya ako sa mga balikat ko.

"Inah, maghahati tayo kay Jake. Mabigyan mo lang siya ng anak, willing akong ihati sa'yo ang asawa ko. Alam kong gusto ka ni Jake at gusto mo rin siya. So madali na lang itong plano, Inah."

Sunod-sunod ang mga pag-iling ko. Bumangon ako sa kama at dumungaw sa bintana. Kailangan kong huminga.

Hinarap ko si tita na nananatiling nakaupo sa kama ko at nakatingin sa akin. "Anak niyo po si Jacob at Jacqi."

Umiling si tita at tumayo palapit sa akin. "Hindi ko sila kadugo, Inah."

Umiling ako. "Pero anak sila ni tito. Asawa niyo si tito. Anak mo na sila."

"Ang gusto ay iyong kadugo ko, Inah."

Hindi ko masikmura ang mga sinasabi niya. Ngayon ay naiintindihan ko na kung bakit parang ang layo ng loob ng mga bata sa kanya. Nakikita kong sumusubok si Jacob mapalapit kay tita pero tinutulak lang siya ni tita palayo.

"Ang pagiging ina ay hindi lang nasusukat kung ikaw ang nagluwal sa kanila. Mahal ka nila Jacob."

Umiiyak na rin si tita. "Hindi mo ako naiintindihan. Hindi mo alam iyong takot ko dahil sa pagkukulang ko bilang isang babae. Na hindi ko mabigyan ng anak ang asawa ko. Gusto ko siyang bigyan ng anak."

Pero—si Jacob at Jacqi, mabubuting bata sila. Hindi sila mahirap mahalin at pagka-itan ng pagmamahal ng isang ina.

At ako? Bakit nila ako dinamay?

"Paano niyo ako nagawang paglaruan ni tito?" Napatakip na ako sa mukha ko sa sobrang pag-iyak.

Pinaglaruan nila ako. Para nila akong pinasok sa isang bahay na lahat sila ay artista at nagpapanggap base sa script. Pinapasunod nila ako base sa daloy ng kwentong gusto nilang ipalabas sa manonood.

Binigay ko lahat kay Jake.

Nagtiwala ako.

Sinubukan ko ulit siyang tignan. Huminga ako nang malalim bago sumagot. "Tama ka. Gusto ko na nga ang asawa mo. Nagustuhan ko siya dahil sa ginawa niyo. Isang sinungaling na Jake ang nagustuhan ko. At hinding-hindi ako sasang-ayon sa plano niyo. Naging tanga lang ako sa pag-ibig pero hindi ako magpapaka-bobo para sumunod sa inyo. Magsama kayong mag-asawa."

Naglakad na ako papunta sa pinto ng hawakan ni tita ang kamay ko at lumuhod.

"Inah, nakakabigla lang ngayon pero masasanay ka rin. Para kay Jake, magiging masayang pamilya tayo."

Binawi ko ang kamay kong hawak-hawak niya. "Tigilan niyo na ako. H'wag niyo na akong isali sa trip niyong mag-asawa."

Tumalikod na ako at lumabas ng kwarto. Rinig ko pa ang hagulgol niya pero bumaba na ako sa hagdan. Lumabas lang ako ng bahay na hindi ko alam kung saan ako dadalhin.

Napa-kuyom ang kamao ko nang makita ko si Jake. Kasama niya si Jacob, Iyah at Jacqi. Nakikipag-laro siya sa mga bata.

Nakita ko na siya bilang ama ng mga anak ko. Dahil sa pagmamahal na binibigay niya kina Jacob at Jacqi, hiniling ko na na sana siya na talaga. Pero scam lang pala ang lahat.

Ngumiti siya nang makita niya.

Sinungaling!

Naglakad ako palapit sa kanya. Nagbago ang ekspresyon ni tito nang hindi ako ngumiti pabalik sa kanya.

Tinignan ko si Jacob. Dama niya ang tensyon sa akin. "Jacob, tawag kayo sa bahay."

Tumango lang si Jacob at hinila niya na si Jacqi at Iyah paalis sa pwesto namin ni Jake. Muli kong tinignan si Jake na naguguluhan sa nangyayari.

"Bakit ka umiiyak—"

Hindi na niya natapos ang sinasabi niya dahil lumatay na ang mga sampal ko sa kanya. Tatlong beses. Kaliwa, kanan, kaliwa.

"Pinaniwala mo ako sa isang kasinungalingan..." Humagulgol na ako sa harap niya.

Dahil sa kanilang dalawa ni tita, si Jake ang may pinakamalaking atraso sa akin.

"Inah—"

Sinubukan niya akong hawakan pero umatras ako. Kita ko ang pag-rehistro ng sakit sa mukha niya.

"Inah, magpapaliwanag ako..."

Umiling ako. "Tangina. So, totoo talaga?"

"Inah, please."

Humakbang ulit siya palapit sa akin pero umatras lang ako. Hindi ko na siya kayang makita pa.

"Dad!" Sabay kaming napalingon ni Jake kay Jacob. "Si Mommy!"

Umiiyak si Jacob.

Tinignan lang ako ni Jake pero alam kong patakbo na siya kay Jacob. Patakbo na siya sa asawa niya.

"Inah, I'm sorry."

Iyon lang ang sinabi ni Jake at tuluyan na siyang tumakbo palayo sa akin para puntahan ang asawa niya.

Iniwan niya akong umiiyak mag-isa.