Lolita Part I
Ang nilalaman ng inyong babasahin ay kathang isip lamang at ang mga nabanggit na pangalan at pangyayari ay hindi sinasadya. Bukas ang aking isipan sa mga comments and suggestions.
------------------------------------------------------------------------------------------------------------------------------------------------------------------
Tandang tada ko pa ng ako ay unang umibig. Panahon ng Abril 2003 at nasa edad 14 anyos ako nung una kong makita ang babaing nagpatibok ng aking puso. Ang pangalan niya ay Lita. Ka-edaran ko lang din siya ng mga panahon na iyon. Nakita ko siya na nag daan sa harapan ng aming bahay kasama ang ilang kabataan sa aming baranggay. Madaming mga nag lisawang kabataan ng panahon na iyon dahil nalalapit na ang pista sa aming bayan.
Nung unang kita ko palang kay Lita ay hindi ko malaman ang aking gagawin. Ung tipo na parang huminto ang mundo mo o bumagal ang kilos ng mga tao sa paligid mo. Malinaw na malinaw pa sa aking isipan ang mga tagpong iyon. Habang sila ay nag lalakad ay sumasayaw ang kanyang medyo kulot na buhok na lumagpas lamang ng kaunti sa balikat at nag kukulay dilaw kapag ito ay tinatamaan ng sinag ng araw. Ang kanyang makinis at maputing balat na akala mo ay may lahing banyaga. Ang kanyang mga pantay pantay na mga ngipin na maipagkukumpara mo sa isang perlas. Ang kanyang mga mapupulang mga labi na halata mong ito ang natural na kulay.
Agad ko silang sinundan sa kanilang pag lalakad at nahuli niya akong nakatitig lamang sa kaniya, at nagulat nalang ako na ako'y kaniyang nginitian at lumabas ulit ang kanyang mga mapuputing pantay pantay na mga ngipin. Hindi ako makakilos sa mga tagpong iyon. Natulala lamang ako ngunit ang alam ko sa aking sarili ay ako ay masaya. Nang makakita ako ng pagkakataon para siya ay lapitan agad kong kinuha ang oportunidad na ito para siya ay makausap. Doon sa tagpong iyon ko napag alaman na siya si Lolita at tama nga ang hula ko na mag kasing edad lamang kaming dalawa. Napag alaman kong nag babakasyon lamang siya sa aming baranggay ay galing siya sa lungsod. Nakatira siya sa aming kapitbahay na kaniyang mga inale at tiyuhin. Halos isang bahay lang ang layo niyo sa amin at isang lundag mo lamang sa aming bakod sa likod bahay ay kanila na itong bakuran. Sinulit ko ang pag kakataon na iyon para makilala siya at hindi nag tagal ay nagtagal ay napalapit ang aming loob sa isa't isa.
Naging madalas ang pagsasama namin sa araw araw. Halos sabay kaming kumain ng tanghalian sa aming bakuran o sa bahay na kanyang tinutuluyan. Tuwing hapon ay naka upo o nakahiga kami sa papag sa ilalim ng mangga sa aming bakuran. Duon ay nakakapag usap kami ng tungkol sa mga bagay bagay na gusto namin para sa hinaharap.
Alam ko sa sarili ko na lumalalim na ang tinginan namin sa isa't isa ngunit wala lang may lakas ng loob sa aming dalawa buksan ang paksang ito. Pero mararamdaman mo ito sa aming mga kilos at galaw. Ang paghahawakan namin ng mga kamay na sobrang higpit ay mag mga kasama pang pag pisil, ang pagdidikit ng aming mga katawan kapag kami ay nakahiga man o naka upo habang nag papahinga, ang aming mga plano para sa hinaharap na hindi man klaro na ang isa't isa ang tinutukoy ay alam namin sa aming sarili na bumubuo kami ng plano para sa aming dalawa sa hinaharap.
Dulo na ng panahon ng mayo ay malapit na ang pasukan ng mapag desisyunan ng aking mga magulang na sulitin ang nalalabing bakasyon at mag punta kami sa Olongapo para mamasyal at makapaligo na din sa dagat ang sabi sa akin ng aking magulang ay isama ko na din daw ang aking mga malalapit na kaibigan na aking nais isama basta hanggat maari ay papayagan ito ng kanilang mga magulang. Maagang regalo na din daw nila ito para sa aking kaarawan sa Hunyo.
At ganun na nga ang aking ginawa, pinuntahan ko ang mga malalapit kong kaibigan at sila ay aking sinabihan. Sinabihan ko din si Lita sa aming magiging lakad ngunit hindi daw siya sigurado kung papayagan na maka sama sa amin. Ang sabi ko sa kanya ay ipagpapaalam ko siya at kahit ang mga magulang ko pa ang magpaalam sa kaniya at kausapin ang kanyang mga tito at tita para siya ay payagan. Paniguradong hindi makakahindi ang kaniyang tiyo at tiya dahil kaibigan naman ito ng aking mga magulang.
Ngunit hindi pa din siya nag bibitaw ng final na desisyon. Medyo nakaramdam ako ng lungkot ng mga oras na iyon ngunit hinawakan niya ang magkabilang pisngi ko habang ako ay naka yuko at kaniya itong itinapat sa kanyang mukha at ako ay ginawaran niya ng isang halik.
Ang aking unang halik, halik na masasabi kong nag mahal sa aking babaeng unang at bukod taning sinisinta, halik na mayroong kasamang pagmamahal. Hindi ko nakuhang gumanti sa kaniya dahil natulala lamang ako pero ramdam ko ang lungkot sa kaniyang mga mata. Kaya bigla ko siyang niyakap ng mahigpit. Yakap na handang ipadama sa kanya ang aking pagmamahal na walang hanggan, ang importansya niya sa aking buhay.
------------------------------------------------------
ITUTULOY...