z POPOY FILES: 20 QUESTIONS ¦ Obra Ni JUAN EKIS (First Part)

20 QUESTIONS ¦ Obra Ni JUAN EKIS (First Part)
– A Must Read Palanca Award Winning Piece.

This play won in the Palanca awards, Dulaang isang Yugto category.

MGA TAUHAN

JIGS - Fresh Graduate. Kabarkada ni YUMI. Magtatrabaho bilang researcher sa isang Financial Firm.

YUMI - Commercial Model. Kabarkada ni JIGS. Two years ahead kay JIGS.

TAGPO

Gabi. Sa isang kwarto ng isang beach resort. Naglalatag ng kumot si JIGS sa sahig habang inaayos ni YUMI ang kanyang higaan.

[YUMI] Sige na, JIGS. Huwag ka nang magpaka-gentleman. Naawa ako sa’yo e. Tabi na tayo sa kama.

Hindi, okay lang ako dito.

[YUMI] Huwag ka nang maarte. As if naman re-rapin kita no. Malaki naman itong kama e. Hatiin na lang natin sa gitna

Sure ka?

[YUMI] Hindi mo naman siguro ako mamanyakin no?

(Matatawa) Okay ka lang?

[YUMI] Kung gusto mo, gamitin na lang natin iyang kumot na divider.

Good Idea.

Isasampay nila ang kumot mula sa kisame para mahati ang kama sa gitna. Magse-settle down ang dalawa.

Ilalabas ni JIGS ang libro niya: “Puppy Love and other Stories” ni F. Sionil Jose.

Si YUMI naman ay magpapatugtog ng Japanese Zen Music habang nagsa-zazen.

[YUMI] Do you mind?

No, go ahead. I’m just reading.

Magsa-zazen si YUMI. Magbabasa si JIGS. Pareho silang dim aka-concentrate. Papatayin ni YUMI ang CD player niya.

[YUMI] I can’t believe our friends.

Oo nga e…

[YUMI] Dapat ginagawa nila ‘to sa mga bagong pasok sa barkada o kaya sa bagong… ay oo nga pala. Bagong graduate ka. Congrats.

Thanks.

[YUMI] So what’re your plans?

Kinukuha akong researcher sa ADB. Kinukuha rin ako ng BPI sa OTP nila.

[YUMI] Wow naman. In demand.

Di naman masyado. Who the hell invented this tradition anyway?

[YUMI] (Matatawa) You won’t believe it.

Ikaw?

[YUMI] Malay ko ban a mabibiktima rin ako nito balang-araw.

So why did you start it?

[YUMI] Wala ka pa sa tropa nun e. Freshman ka pa lang siguro noon. Wala lang. Napagtripan lang naming si Ronald. E may crush siya kay Meg. Noong unang beses magpunta rito ng barkada, sabi ko, magsimula kami ng tradition. Ilo-lottery naming ang pangalan ng mga lalaki at ng mga babae. Kungs sino ang mabubunot, silang dalawa ang pagsasamahin sa isang kwarto sa loob ng tatlong araw. And then, we’ll all see what happens. Pero dinaya naming noon yung kay Ronald at Meg. Puro Ronald at Meg ang mga pangalan na nakalagay sa Lottery.

(Tatawa) Ang sama ninyo!

[YUMI] Kaya nga nakarma na ako eh.

So in our case, dinaya? O talagang Lottery?

[YUMI] (Teasing) Ano sa dalawa ang gusto mo?

Feeling ko may nagtrip sa ‘kin sa barkada e.

[YUMI] Excuse me po, dalawa tayong biktima ditto. I don’t see any reason kung bakit tayong dalawa ang sasadyaing biktima this year, unless may crush ka sa’kin na di ko alam at alam nil (Tatawa).

Baka ikaw (Tatawa)

[YUMI] The success rate of this tradition is 100% so far.

I was here na the 2nd time. Si Chris at si Cia ang biktima.

[YUMI] And last year were Rod and Kay. They’re getting married kalian? Sa June yata.

What do you expect? Ikukulong mo ang isang lalaki at isang babae sa isang kwarto for three days, imposibleng walang mangyari doon!

[YUMI] That was exactly my point. (Ngingiti)

E kung may madisgrasya?

[YUMI] Anong disgrasya?

Alam mo na ‘yun!

Hahawiin ni YUMI ang divider nilang kumot.

[YUMI] Ano? Sex? Pa’no kung magsex sila? Nakakatawa ka naman. Di mo masabi.

Ang alin?

[YUMI] Ang Sex!

Hah!

[YUMI] Sige nga sabihin mo nga?

Para kang tanga. Tumigil ka nga.

[YUMI] Shet, JIGS. Graduate ka na totoy ka pa rin!

Excuse me?

[YUMI] Sabihin mo nga: “Sex! Sex! Sex! Sex!”

Para kang bata, YUMI ha.

[YUMI] You used to call me ate YUMI when you were in third year.

Well, Graduate nap o ako ate YUMI!.

Tahimik.

Hmmm, I wonder if we’re gonna last three days.

[YUMI] (Teasing) Bakit? Ayaw mo sa’kin?

Di sumagot si JIGS.

[YUMI] We’re gonna survive this one.

What makes you sure?

[YUMI] No offense, JIGS. I honestly find you very attractive pero I’ve no time for this. Alam mo naman siguro na kaka-break ko lang.

Same here.

[YUMI] Same here what? Na you find me attractive o you don’t have time for this? (Matatawa)

Di sasagot si JIGS. Tahimik. I-o-on ulit ni YUMI ang CD Player at ipagpapatuloy ang zazen. Itatabi ni JIGS ang libro. Nawalan na siya ng ganang magbasa. Pupunta siya sa ref. Bubuksan niya ito.

Hah! (Sarcastic) Perfect! Red Wine! How very conductive.

[YUMI] May Chips ba diyan?

Sa awa ng Diyos, may tsibog naman.

Papatain ni YUMI ang CD Player. Tatayo siya at kukuha ng chips sa ibabaw ng ref.

[YUMI] Since we’re gonna be stuck naman with each other for three days, might as well make the best out of it dib a? I-enjoy na lang natin.

What do you mean?

[YUMI] Get the wine, let’s have a drink! 50 hours to go na lang and we’re gonna be the first failure of this tradition.

Oo nga, (Kukunin ang wine. Maglalagay sa dalawang baso) When they chose Cia and Chris, naiintindihan ko pa eh. Lalo na sina Rod and Kay. Kung baga, tinulungan lang natin silang umamin sa isa’t isa. Pero us…

[YUMI] Weird ng barkda natin ‘no?

To our barkada and our weird traditions!

[YUMI] To us, the first failure of this tradition!

Magto-toast sila at iinom.

Sige, ate YUMI. Let’s make our stay here more interesting…

[YUMI] What’s with the ate?

Fine…

Bubuksan ni YUMI ang chips. Uupo sila pareho sa sahig para magkwentuhan.

Let’s play twenty Questions.

[YUMI] Sige! Ano yun?

Each of us will have ten questions each. Tatanungin kita, tatanungin mo ako, mga gusto nating malaman sa isa’t isa. Alternate tayo. Pero the thing here is you can’t as the questions that I already asked.

[YUMI] That’s pretty interesting.

At bawal magsinungaling.

[YUMI] Fair enough. Pero whatever is said inside this room remains in the room. Ok?

Of course. You wanna start?

[YUMI] No. I want to ask the last question. (Ngingiti at kikindatan si JIGS)

Smart move. Game. First Question: Ano ang greatest frustration mo sa buhay?

[YUMI] Nge. Ang korni naman ng tanong mo. Walang ka-challenge-challenge. Ask me something na mag-iisip naman ako.

Simula pa lang e.

[YUMI] Sige. Ano nga ba…?

Akala ko ba walang ka-challenge-challenge?

[YUMI] Wag kang maingay, nag-iisip ako… I’m frustrated ballet dancer.

Talaga?

[YUMI] I took lessons when I was six pero umayaw ako. Wala kasi akong disiplina e. Mas gusto kong makipaglaro sa mga kalaro ko. Pero I really enjoy watching ballet dancers. When I see them dance parati kong naiisip na sana, ako rin. There! Ang dali naman ng tanong mo. Walang thrill.

Appetizer lang. Yari ka sa’kin mamaya.

[YUMI] We’ll see. Ako naman: Did you ever have doubts about your sexuality? I mean, kahit minsan ba, naisip mo na bakla ka?

Never.

[YUMI] Bilis ng sagot a.

Coz I never entertained the idea.

[YUMI] Homophobe ka ba?

Alternate tayo sa tanungan di ba?

YUMI : So, not once? Kahit konti? Khait what if lang?

I’m straight, Okay?

[YUMI] I’m not interesting if you’re gay or not. I’m asking kung…

Never nga.

[YUMI] We all thought na you were gay. Well at least nung first few months mo sa tropa before you introduced your girlfriend to us.

What!? You thought I was gay!?

[YUMI] E pa’no kasi, masyado ka mabait. Ang pogi-pogi mo, pero parang allergic ka sa mga babae. Over ang pagiging gentleman mo! Too good to be true. You have a good body, it seems that you work out pero iniisip naming front mo lang yun. Kadalasan kasi front ng mga bakla ang maganda na katawan nila at pagiging sporty…

Tatawa lang si JIGS.

[YUMI] So we thought it’s either that or you were planning to become a priest.

What!??

[YUMI] Well, you were always this goody-goody person. Pumupunta ka sa chapel. Nangungumpisal, nagsisimba…

The way you said it, parang equivalent ang dalawa a.

[YUMI] Of course not. I didn’t mean that!

I take my faith seriously. That doesn’t make me gay!

[YUMI] So you did want to become a priest…

Hindi rin. Actually, I always wanted to raise a family… and be a father.

Tahimik.

[YUMI] So you’re not gay.

No.

[YUMI] You never…

Ilang bese ka ba ipinanganak? Kulit mo e, It’s my turn.

[YUMI] Homophobe ka no?

Hindi kaya!!!

[YUMI] Whatever…

Ako na daya mo naman e.

[YUMI] Okay, okay. Shoot me.

How do you see yourself five years from now?

[YUMI] You expect to win this game? Ang kokorni ng mga tanong mo e.

The object of this game is not to win.

[YUMI] Ano pa ba?

To get to know the other person.

[YUMI] Sure. Basta ako, I will win this game. Walang thrill ang isang game kung walang nananalo

Sagot

[YUMI] May time limit ba ito? (Tatawa) Wine pa nga.

Sabi nga nila: In Vino Veritas

Magsasalin si JIGS ng Wine.

[YUMI] Masarap ang wine, ha? Saan kaya nabili ito? (Iinom) To answer your question, either maging entrepreneur ako, magsisimula ako ng sarili kong boutique or bar, o kaya, magiging artista ako sa pelikula.

Not bad.

[YUMI] Pero mukhang malabo yung stint ko sa movies. Tough ang competition e. Saka mahina ang manager ko. Panay hosting at pictorials ang nakukuhang raket para sa akin. Papalitan ko na nga e. Pagnakaipon ako, maka magtayo na lang ako ng boutique.

(Magbibiro) Ayaw mo mag-bold?

[YUMI] Yuck!

Lahat ng gusting mag-artista doon dumadaan.

[YUMI] May talent naman ako kahit papano a!

Lahat naman ng bold star may talent a! Sa dibdib (Tatawa)

[YUMI] (Hahampasin ng unan si JIGS) Bastos ka talaga! Akala ko goody-goody ka… Hindi ko papatulan ang pagbobold kahit ano’ng magyari no! Kahit ganito ako, may respeto pa rin naman ako sasarili ko.

Ganito? Ano’ng ganito?

Di sasagutin ni YUMI ang tanong.

[YUMI] These producers think all the people want is sex, sex, sex! Kaya puro basura ang mga pelikula e. Wine pa nga!

(Magsasalin ng wine) Bakit naman boutique?

[YUMI] Hoy madaya ka na ha? Hindi pa ako lasing. Ako na’ng magtatanong. Ang korni mo naman magtanong. Bigatan naman natin nang konti… Inom ka muna.

Iinom si JIGS. Magsasalin siya ng bago.

[YUMI] Who was your first crush in the barkada?

Tahimik.

[YUMI] Haha! Bingo ka no? Bagal mo naman sumagot.

Iinumin ang wine. Masasalin ng bago.

Lalaki o babae?

Tatawa sila pareho.

[YUMI] Dapat may time limit ito e.

Tahimik.

Hirap naman ng tanong mo.

[YUMI] Iyon nga ang maganda e. Para may thrill. As if naman ibo-broadcast ko sa barkada kung sino.

Wine pa?

[YUMI] Di mo pa sinasagot yun tanong ko, nagtatanong ka na!

Magsasalin ng wine si JIGS kay YUMI.

Yung crush ko kasi… syempre, sino pa ba? E di yung pinakamaganda sa barkada.

[YUMI] Nge. Subjective yun no! Para sa akin ang pinaka-gwapo si Joel. Sa babae, si Kay. Para kay Ronald, si Meg…

Yung literally na may dating, walang tanun-tanong. Yung kahit sino’ng tanungin mo sa tropa objectively, siya ang isasagot.

[YUMI] JIGS, twenty questions ang game natin, hindi guessing game. C’mon man. Play your own game. Pa’no na kung truth or dare to e di pahirapan na. Dadalawa na nga lang tayo e.

Yung commercial model.

Matitigilan si YUMI.

[YUMI] Wine pa nga.

Magsasalin si JIGS. Mag-iisip si YUMI. IInom. Biglang matatawa.

[YUMI] (Tumatawa pa rin) Talaga?

Sige, Pagtawanan ba?

[YUMI] You can say it to my face, I won’t bite. Bakit hirap na hirap kang sabihin kung sino? Takot kang ma-reject? Parang tanong lang e… Wine pa nga!

Okay, 1 Point ka na…

[YUMI] (Ngiti) Gee… thanks. Flattered naman ako. At kailang naman nangyari ito?

Sorry, my turn to ask. (Ngingiti) Who is your crush in the barkada… NOW?

[YUMI] E ginaya mo lang yung tanong ko eh.

Hindi no. May qualifier ako. Ang sabi ko, NOW. Ang tanong mo, firsh crush ko.

[YUMI] Korni pa rin. Alam mo, kung basketball ito, tambak ka na.

Just answer the question.

[YUMI] Siyempre wala. I told you, I don’t have time for these stuff. Kakabreak ko lang dib a?

Korni mo sumagot.

[YUMI] E korni yung tanong e. Pero kung talagang-talagan kailangan kong sumgaot…. Hmmmm… teka sino nga ba? Sino ba’ng crush material sa barkada? Wala akong maisip e. Ikaw na lang.

Yung seryoso naman.

[YUMI] Seryoso ako. Ayaw mo yata e. Sige, iba na lang…

E napipilitan ka lang e.

[YUMI] Uy! Pa’no ba’yan? MU na tayo? Crush mo ko, crush kita… yiheee (Tatawa)

Dati pa ‘yon no!

[YUMI] Ay? Di mo na ko crush? Bakit na turn-off ka? Ano naman ginwa ko? Tsk tsk

Is that your question na?

[YUMI] Oy, hinde! Ito naman… dib a pwedeng mag-follow-up?

Iinom ng wine si JIGS.

[YUMI] Fine. Here’s a little juicy question. Describe your first kiss.

That’s not even a question.

[YUMI] Arte mo. O: How was your first kiss like?

Matataw si JIGS.

Wet.

[YUMI] Yuck!!!

Magtatawanan sila.

Alam mo, aksidente yung first kiss ko. Close kasi kami nung isa kong kaibigan. Pag naggu-goodbye ako sa kanya, parati ko siyang kini-kiss sa noo. E one time, sa gym habang nagpapahinga, nakaupo siya sa sahig. Tinatamad siyang tumayo. So bumaba ako nang konti para mahalikan siya sa noo kasi pauwi na ako. E siya naman, para maabot ko, medyo tumingala. E sakto, sa lips ko siya nahalikan. Pareho kaming nagulat. Pero di pa kami naghiwalay agad. Weird nga ang feeling e. Parang may glue!. Ayaw na naming maghiwalay pareho…

[YUMI] Awww. Ang sweet naman. Parang sa pelikula. Si Krissy ba ito?

Hindi. Hindi mo siya kilala.

[YUMI] So what happened? Nagkatuluyan kayo?

Nope.

[YUMI] Ha?

Ewan ko ba. Complicated kasi yun situation naming e. May boyfriend siya noon. Ako naman, takot pa sa isang relationship. Pero at least, na-discover naming na pareho pala kaming may gusto sa isa’t-isa. Pero hanggang doon na lang.

[YUMI] What happened after?

We talked about it. We both decided na it won’t work. Tapos, bigla na lang na hindi na kami nagkikita. And then, I met you guys, iba na barkada ko.

[YUMI] Nakakatuwa naman.

Ikaw, pa’no yung first kiss mo?

[YUMI] Ikaw ang nagturo sa akin ng game na ito dib a? Bakit ba lagi mong bini-break ang rules? Di mo na pwedeng tanungin ‘yan!

Tine-testing ko lang kung lasing ka na. (Iinom ng wine) Okay, naka-warm-up na ako: What was the naughtiest thing you ever did?

[YUMI] ‘Yan ang mga tanong! Ano ba’ng ibig mong sabihin ng naughty?

Bahala kang mag-define.

[YUMI] Hmmm… marami e… (Matatawa) baka maeskandalo ka.

Kanina ayaw mo ng korni. Ngayong medyo exciting naman…

[YUMI] Eto na… I had two boyfriends at the same time.

(Nagulat) Hala!

[YUMI] I was with Joel and Zach at the same time.

Yikes. Alam ba ni Joel?

[YUMI] Kaya nga kami naghiwalay nun e. Nahuli ako (Matatawa)

Ano naman pumasok sa kukote mo’t ginawa mo iyon, aber?

[YUMI] Nag-eexperiment lang! ako. E sa type ko sila pareho e.. Ano’ng magagawa ko? Saka para may thrill. Alam mo iyon? Yung patago kang nakikipag-date sa isa para di mahuli. Everyday pa akong nakakalibre, kasi alternate sila! (Tatawa) Akal n’yo kayo lang mga lalaki ang pwedeng gumawa no’n?

How can you love two guys at the same time?

[YUMI] Who said something about love? Walang kinalaman ang love dun. I was… having fun!

Nainlove ka na ba, ever?

[YUMI] Nakakailang tanong ka na a? It’s my turn.

Don’t you want to answer the question anyway?

[YUMI] My turn!

Kulang ka pa sa wine. (Tatawa)

Ubos na ang unang wine bottle. Kukuha si JIGS ng isa pa sa ref.

Ang bilis nating uminom a.

[YUMI] Are you still a virgin?

Whoa! Where did that come from?

[YUMI] That’s my fourth question.

(Magsasalin ng wine sa mga baso) Ano sa tingin mo?

Ngingiti si JIGS. Tititgan lang siya ni YUMI.

[YUMI] Don’t tell me, wala pang nangyayari sa inyo ni Krissy hanggang ngayon? Ilang taon na ba kayo?

Mag-tu-two years na sana next week.

[YUMI] So virgin ka pa? I don’t believe it!

Mukha ba akong tarantado?

[YUMI] Mukha kang nagpapaiyak ng babae.

Insulto ba ‘yon?

[YUMI] Compliment ‘yon, tanga!

Ah, okay. Thanks

[YUMI] Pero, you mean, you never felt the urge to do it?

Alin? Sex?

[YUMI] Wow! Nasabi rin niya!

Of course I always feel it. Natural lang ‘yon sa tao no? Nasa iyo na lang ‘yan kung ano’ng gagawin mo sa urge na ‘yon.

[YUMI] E natural naman pala e. Bakit mo pinipigaln? I mean, pag naiihi ka, iihi ka. Pag nagugutom ka, kakain ka. Pareho lang ‘yon dib a?

Pag naiihi ka, iihi dahil kailangan mong umihi. At hindi ka iihi kahit saan. Pupunta ka sa banyo. Pag nagugutom ka, kakain ka dhil kailangan. At hindi mo kinakain ang lahat ng pakain na ihain sa iyo. Pag di ka gutom, di ka kaain. Pag di mo gusto yung pagkain, di mo gagalawin. Ang aso, pag may nakitang pagkain diyang walang tanung-tanong. Lalamon ‘yan.

[YUMI] And sex is the same?

Lahat ng bagay, nilalagay sa lugar. May context. At least, yun ang nagpaiba sa atin sa aso.

[YUMI] Grabe ka naming magsalita. Para mo na rin sinabing lahat ng nakikipagsex, aso ah!

Sinasabi ko lang, pag wala sa tamang konteksto, mali.

[YUMI] Ang what is that context?

Matanda na tayo. Ayokong maging preachy. Alam natin ‘yan.

Tahimik.

itutuloy........