BLACK WIDOW Ch.4: Interrogation and Confusion

August 4, 2012
Police Station 8
12:00 noon

Tanghali na ng makarating si Henry at Efren sa istasyon ng pulis. Duman muna kasi si Henry sa kompanya para alamin kung nabalitaan na ng mga kasamahan nya ang nangyari. Lahat ay nabigla at nalungkot sa nangyari. Hindi nila ito inaasahan. Si Efren at Henry ang kasama ni Tony kagabi kaya sila ang nakakaalam kung sino ang huling nakasama ni Tony.

Sa presinto ay sinalaysay ng mga pulis ang kanilang mga findings at pinakita ang mukha ng sinasabing pumatay kay Tony. Nagulat ang dalawa dahil kilala nila si Wilma at hindi sila makapaniwala na matapos magkakilala ng dalawa ay magagawa ng patayin ni Wilma si Tony.

“Sa tingin nyo po ano po kaya ang motibo ng babaeng ito? Na-check na po namin ang buong unit ni Mr. Castello. Wala naman pong nawala sa mga gamit kaya inalis na po namin ang motibong pagnanakaw”

“E-ewan ko. Wala kaming idea kung bakit nagawa ito sa kanya ng taong kakakilala pa lang nya” si Henry, hindi pa din makapaniwala sa sinapit ng kaibigan at lalong hindi makapaniwala sa nalaman na si Wilma ang suspek.
“Tulad ng sinabi nyo, hindi naman sya ninakawan. Kung hindi pera ang issue dito wala na kaming makitang dahilan para patayin sya. Wala din naman kaming alam na kaaway ng kaibigan namin na yan.” Tugon ni Efren habang nilalapag ang larawan ni Wilma sa mesa ng pulis.

Nasa ganoong tagpo sila ng dumating ang ibang pulis at may kasama itong maingay na babae. Si Wilma.

“Nadakip na namin ang suspek sir. Nakita namin sya na aktong pasakay ng bus at tatakas papuntang probinsiya. Mabuti at naipakalat na sa media ang tungkol sa kanya kaya nabigyan tayo ng tip sa kinaroroonan nya.”

“Good job. Sige dalhin nay an sa interogation room.” Bumaling sya kila Henry “Baka po gusto nyong sumama para malinawan tayo pare-pareho.” At tinungo nila ang interrogation room.

****************************************
August 4, 2012
11:00 a.m.
Papunta ng palengke si Myla para sa ihahanda nyang tanghalian. Hindi pa rin mawala sa isip nya ang kaibigan ng amo at kasintahan nyang si Henry.

Namasukan si Myla kay henry nuong isang taon. Biyudo si Henry kaya mag-isa lang ito sa bahay. Sa Edad na 43 anyos ay mababakas pa rin dito ang kakisigan at matikas pa rin ang tindig nito. Nagsimula ang relasyon ng dalawa ng minsang umuwing lasing si Henry at napagsamantalahan nya si Myla. Nagkausap ang dalawa at nalaman nya na may gusto pala sa kanya si Myla kaya nagpaubaya ito nung gabi na iyon. Ang totoo hindi naman nya talaga gusto ang dalaga. Ang turing nya dito ay isang parausan lamang tulad din ng turing nya sa iba nyang mga babae na ginagawa nyang kasintahan. Ang alam ni Myla ay mahal sya ng nobyo pero ang totoo ay ginagamit lang ni Henry ang nararamdaman nito para hindi sya isuplong ni Myla sa mga pulis. Kaya laking tuwa ni Henry nang malaman na may gusto ang dalaga sa kanya. Bukod sa lusot sya sa problema ay meron pa syang pwedeng i-kama anumang oras nyang gustuhin.

Palabas na ng gate si Myla nang may makita syang brown envelope sa gate ng mansion ni Henry. Akala nya ay para sa amo ang envelope pero laking gulat nya nang makita ang pangalan nya sa likod nito. Dahil nakapangalan sa kanya, binuksan na nya ito. At halos mabuwal sya sa kinatatayuan matapos makita ang laman ng envelope.

Sa palengke at tulala pa rin si Myla. Iniisip pa rin nya ang laman ng envelope. Iniisip nya kung paano nito maaapektuhan ang relasyon nila ni Henry. Dahil na rin sa init ng panahon at sa dami ng iniisip ni Myla ay bigla na lang itong hinimatay. Napalibutan sya ng mga usisero at usisera pero walang nagbibigay ng pangunang unas sa kanya. Buti na lang at may sumigaw na babae at nagpakilalang nurse. Sinuri nya si Myla at napag-alamang over fatigue ang naging kalagayan nya. Nang magkamalay na sya ay pinayuhan sya ng nurse na magpahinga. Pinainom nya ito ng gamot at ilang sandali lang ay gumaan na ang pakiramdam ni Myla.

“Oh bibigyan pa kita ng isang ekstrang gamot para in case na mahilo ka uli eh may maiinom ka na.”

“Salamat nurse” nagngitian ang dalawa bago tuluyang nagpaalam sa isa’t isa

****************************************

12:05 p.m.
Police Station 8, Interrogation Room
“I already told you what happened. Oo aaminin ko magkasama kami. May nangyari sa min pero nakatulog kami pareho. Pagkatapos non nagising na lang ako, nakita ko na duguan na sya sa tabi ko.”

“Sinasabi mo ba na hindi mo matandaan na pinatay mo sya? Pano mo i-eexplain ung kuha sa video?” At naalala nga ni Wilma ang tungkol sa video. Hindi nya talaga matandaan ang eksenang yun. Pero wala syang magawa dahil kahit anong pilit ang gawin nya ay ang video ang nagpapakita ng katotohanan.

“I swear, wala akong matandaan na pinatay ko sya. All I know is that nag-sex kami at nagising na lang ako na duguan sya. Yung pagsesex namin ang huli kong natatandaan, after that blangko na ang lahat. Umalis ako ng unit dahil natatakot ako na mapagbintangan hindi dahil sa ako ang pumatay. Nataranta lang ako so I choose na umalis na lang at maghanap ng tulong”

Lahat ng nasa loob ng kwartong yon ay isa lang ang nasa isip. Hindi aamin ang babaeng ito sa kasalanan nya. Sabagay sino ba namang kriminal ang umamin sa sariling kasalanan. Pero hindi maaaring magsinungaling ang video. Si Wilma ang nasa video. At hindi nya yun malulusutan.

“Nasa amin ang video at malinaw na ikaw ang sumaksak sa kanya.” At pinakita nya uli kung pano sinaksak ni Wilma si Tony.

Naging hysterical na si Wilma “I told you, HINDI KO NATATANDAAN NA NANGYARI YAN. At isa pang pinagtataka ko ay kung bakit ako napunta sa paanan nya gayon magkatabi kaming natulog.

Lahat ay nagimbal sa nadinig kay Wilma at nakita nila sa video ang isang bagay na hindi nila nakita. Sinasaksak ni Wilma si Tonyat pagkatapos nun ay biglang bumagsak ang katawan nito sa paanan ni Tony na para bang hinimatay sya. At makikita na pagkatapos ng kalahating oras ay nagising si Wilma, nagsisigaw ito, hindi alam ang gagawin at maya-maya’y hindi na nakunan ng camera dahil lumabas na ito ng unit.

“Sigurado ka bang wala kang matandaan?” tanong ng isang pulis.

“Ilang beses ko bang sasabihin sa inyo na ang huling natatandaan ko ay yung pagssex namin. After nun blangko na utak ko. Pag gising ko nga ang bigat ng ulo ko.”

“Tatapusin muna natin sa ngayon ang interrogation pero hind ibig sabihin nito abswelto ka na Ms. McGaity. Matibay ang ebidensya at kahit ideny mo pa ang lahat, hindi pwedeng magsinungaling ang kamera. We need to detain you and file a murder case against you”

Nagwawala si Wilma habang nilalabas sya ng kwarto “No!!! You can’t do this to me!! Wala akong maalala na pinatay ko sya I swear!!!”

Si Efren kausap ang isang pulis. “What if nagkaroon talaga sya ng pansamantalang amnesia?”

Biglang sumingit sa usapan si Henry. “What do you mean? Selective amnesia ganun? Huli na sya sa CCTV at kahit anung sabihin nyang alibi, hindi yun uubra. Lahat ng kriminal gagawa ng paraan makalusot lang so don’t you ever think na kakagat ako sa sinasabi nya na wala syang maalala.”

“Pero wala syang motibo”

Pumagitna na ang pulis sa dalawa. “Hindi na importante kung ano ang motibo nya. Huli na sya sa camera at isa yung napakatibay na ebidensya. Pero sa kondisyon nya ngaun I think kelangan namin syang dalhin sa isang psychiatrist. Mukhang dis-oriented ang state of mind nya sa nangyari”

Nagpaalam na ang dalawa sa mga pulis. Bawat isa ay may kanya-kanyang tanong sa isip na gusto nilang masagot.